Shillong, Nohprah 09: Ka kynhun Manipuri Elder’s Consortium Shillong (MECS) ka la pynlong ïa ka Cleaning Drive ha Khyndailad ka ba long kum shibynta ban wanrah ia ka jinghikai ban leh khuid ia baroh ki nongwan jngohkai pyrthei.
Ha ka jingiakren bad ki nongthoh khubor ka smt Sanggai Leima General Secretary jong ka Manipur Elder’s Consortium Shillong (MECS) ka la ong ba ka jingiashim bynta ha ka jingpynkhuid ia ka nongbah Shillong kadei ban wanrah ia ka jungkhuid.
Ka jingitynnad ka sor Shillong kaba khring bha ia ki nongjngoh kai pyrthei bad ruh ban kyntiew ia ka koit ka khiah ha ka imlang sahlang. Ha kane ka sngi la sakhie ia ka jingwan ban shimbynta da bun ngut ki dkhot jong ka MESC.
