Mawkyrwat, Nohprah 18: Ki bor pyniaid jong ka District Administration jong ka South West Khasi Hills mynta ka sngi ki la pynlong ia ka jingpynkhuid shnong ha poh Mawkyrwat khamtam eh ia ka iew kaba don hapdeng jong ka sor Mawkyrwat. Kane ka long kum shibynta jong ka “Chief Minister’s Youth for Green Campaign”.
Ha kane ka sngi ia ka jingpynkhuid shnong la khweh lama da u Bah 
. Ha kane ka sngi kiba la ia shim bynta ki long na ka liang jong ka ophis jong u Deputy Commissioner, ki seng bhalang bad ki paidbah jong ka shnong.
Ha kane ka jingpynkhuid shnong na ka liang jong u Deputy Commissioner u la ialam da lade ban pynkhuid ia ka iew markyrwat, kiwei ki heh sorkak kiba la ia don lang ha kane ka sngi ban ia shim bynta lang ki long u SP Jong ka SWKD u Bah S Nongtynger, u ADC u Bah K L Nongbri, u magistrate u M Sangma.
Ka jingthmu ba kongsan ban pynlong ia kane ka jingpynkhuid shnong ka long ban hikai ia ki briew ia ka jingdon kam ban long kiba leh khuid namar ka jingkhuid ia iada ia u briew na bun ki jingpang kiba ha rukom. Ia kane ka jingpynkhuid shnong la ialam hi da u Deputy Commissioner.(SP News)
