Shillong, Nohprah 17: Hapoh jong ka ain jong ka Meghalaya Heritage Act 2012 bad ki rule kiba la shna, katkum kane ka ain la phiah ha ki ar bynta ia ki jingtei kiba larim ne ki jingbuh nam ha nongkyndong la peit da ka tnad pynneh pynsah riti dustur bad ha ki jaka sor la leh da ka tnad pynroi sor.
Haba phai tang hapoh ka nongbah Shillong, ka tnad pynroi sorkar kala shem ba ki don 30 tylli ki iing ha kane ka nongbah Shillong kiba la dei ban pynhap hapoh jong ka tei ka ain ba kin long kum ki jaka bala pynneh pynsah kyrpang ‘Heritage Sites’ ban nym pynpra shuh ia ki, na kine ki 30 tylli, 23 dei ki iing sorkar bad 7 tylli ki iing jong ki riew paidbah,
Ki kyrteng jong kine ki iing kiba ka tnad pynroi sor ka kwah ban pynhap noh kum ki ‘Heritage Site’ kiba dei ki iing jong ka sorkar ki long, PWD Chief Engineer’s Building ha Barik, ka Shillong Golf Course kynthup ia ka iing Golf Club House, ka High Court Building kaba don ha Assembly barim ha Police Bazar.
Ka Raj Bhavan ha jan Ward’s Lake, Tara Ghar ha jan Ward’s Lake, Pinewood Hotel ha Jan Ward’s Lake, Lyndhurst Estate ha New Colony, Chanchal Raj Bungalow ha Ribong, Beauchamp House Bivar Road, Beauchamp Cottage Bivar Road.
Lumpyngad Bungalow, Brightwell Bungalow, Shrubberias Bungalow, Bivar Road, Crabtree Bungalow, Dhankheti, Bracken Hill Bungalow, Lumpyngad Motingar, Lake House Bungalow adjacent ha Ward’s Lake, Lake Side Buingalow jan Pine Wood, Miramar Bungalow, Bivar Road.
Rupshi Bungalow at Laitumkhrah, Chandralaya Bungalow, Bivar Road, Inverniel Bungalow, Laban, Greenview Bungalow No.1 Rilbong, Greenview Bungalow No.2 Rilbong. Kitei baroh ki iing sorkar.
Ki iing jong ki riew shimet kiba ka sorkarkala kwah ban ithuh noh kum ki ‘Heritage Site’ ki long ka All Saints’ Church opposite to the State Central Library, Presbyterian Church ha Police Bazar, Tripura Castle ha Risa Colony, St. Edmund’s Chapel bad School Hall ha Laitumkhrah, Brookside ( Tagore House) at Rilbong, Shillong Club.
Kitei ki iing ki dei ki iing kiba la pynkhreh da ka tnad pynroi sor jong ka sorkar jylla bad ia kine ki iing yn rah sha ka committee ban shim ia ka rai kaba khatduh kino iing kiba hap ban ithuh noh ia ki ban pynhap hapoh ka ‘Heritage Site’.
