Shillong, Naiwieng 01: Mynta ka sngi 1 tarik Naiwieng 2023 ka KSU East Jaintia Hills District Unit lyngba ka Sports Committee ka la pynkup burom ia ka Heprit Rukini Dkhar ha iingsah jongka ka ba la ioh rah ia ka Takma Rupa haka U- 14 Girls’ 600 m Race haka lympung ialehkai 34 East Zone Champion 2023 kaba la long ha jylla West Bengal.
Ka seng ka dap da ka jingsngewsarong ia kane ka Heprit ia ka jingtrei shitom jongka haduh ba ka la ioh rah ia ka nam ka burom ia ka Shnong ka thaw, District bad ia ka jylla jongngi bad kyrmen skhem ba ki sngi ba wan ba I ne I heprit I ioh rah sa kiwei pat ka nam ka burom ia ka District, iaka jaitbynriew Khasi jongngi bad kumjuh iaka Bri u Hynniewtrep jongngi.
Ka Seng ka sngewkmen ban tip ba kane ka Heprit ka la shah jied haka Sports Authority of India (SAI), Shillong ban shah pyntbit ialade haka ne ka shlem ai jinghiakai ia ki Samla don sap haka kam ialehkai.
Ka Seng ka kitbok kitrwiang ia I ne I Heprit ban I nangkiew arsut haka kam ialehkai bad kum juh ka kitbok ia ine I heprit ba I leitsuk la shai ka sngi sha duh SAI, Shillong bad ba kan shitom bha.Ka kyrwoh khubor na u Samla Hamewanpynhun Ryngkhlem Publicity Secretary East Jaintia Hills District Unit.
