Shillong, Rymphang 15: Ka Khasi Students’ Union (KSU) Jaiaw Circle mynta ka sngi kala pynkup burom ia ki Khynnah pule ka Jaiaw pyllun kiba lalah ban wan shakhmat ha ki jingpule bapher bapher n
aduh kiba pule klas 6 haduh ki kyrdan Ph.D.
Baroh ki samla pule kiba la shah pynkup burom mynta ka sngi kila don bun ngut, ha kane ka sngi Ka seng ka la ioh ruh ban sam khusnam kyrpang sha kito samla ka shnong Jaiaw Pyllun kiba la noh synñiang na bynta ban kyntiew bad ban wanrah nam ia ka shnong ka thaw Jaiaw bad ka Ri ka jaidbynriew.
Ha kane ka sngi, La pyniaid ia ka jingialang da u General secretary ka KSU Jaiaw Circle samla Pynskhemlang Uriah, la ioh ka jingkren maitphang da u samla Ostarnic Marbaniang President ka KSU Jaiaw Circle, Ka jingkren kyntu kynpham na u symbud kongsan bah Aguster Jyrwa Gen Secy barim ka KSU sengkmie, bad la ioh ka jingkren pynkut na u kongsan ha katei ka sngi u samla Donald V Thabah General Secretary ka KSU sengkmie.
Ha kane ka program la iadon ryngkat u samla Sonstar Nongkhlaw Asst.Gen secy KSU sengkmie, Samla Barikular Nongsiej badei President barim ka KSU Jaiaw Circle, ki rangbah shnong na kidong bapher bapher ka shnong Jaiaw Pyllun, ki kmie ki kpa ki jong Khynnah Shah pynkup burom, Ki samla ka shnong kiba la shah pynkup burom sngewbha, ba kiwei pat ki nongialam barim na ka KSU Jaiaw Circle ryngkat ki riewrangbah kiba la shah khot kyrpang ha katei ka sngi.
Na Ka liang u Kongsan ha katei ka sngi, samla Donald V Thabah u la ong pynpaw ba KSU sengkmie ka la sdang naduh u snem 1994 ban pynkup burom sa kaba Sam ki khusnam nia ki samla kiba leh bha ha ka jingpule khnang ba kan long kum shibynta ban kyntiew ia ki para doh para snam ha ka pule puthi.
Ha utei u snem ladon tang ka wei ka samla kynthei na ka jaidbynriew kaba ioh ia ka kyrdan bahakhmat ha ki kyrdan Top 10 ha ka Matrix (SSLC) hynrei mynta ka kynti ka long kaba sngewkmen shibun ba tang napoh ka Jaiaw Pyllun ruh ka KSU Jaiaw Circle ka lalah ban Sam khusnam haduh 58 ngut ka dei ka jingkyrkhu kaba khraw ia ka jaitbynriew.
Kumta u la kyntu ba kine ki samla kin nang lah ban trei shitom shuh shuh ha ka pule puthi, bad ba ngin ym hun ruh tang ban biang ka malade shimet hynrei ka badonkam eh kadei ba ngin long kiba kloi ban kner ka kti ka mon kti kadiang ia ki paradoh parasnam kiba donkam jingiarap khamtam ki kup shiliang sem shiliang khnang ba ka Ri ka jaidbynriew kan nang ieng rasong bad nangeh rngiew nangne shakhmat.
