Shillong,Jylliew 19: Mynta ka sngi ka Meghalaya Editors’ and Publishers’ Association (MEPA) mynta ka sngi kala pynkup burom ia ki ar ngut ki nongthoh khubor kiba la ioh khusnam ha ka kam thoh khubor, ka kong Alicia Bakor Phanwar bad ka kong Princess Giri Rashir ha ka jingilang kaba la long ha Shillong Club.
Ha kane ka sngi na ka liang jong ka MEPA kala ai ia ka jingai sngewbha bad ka jingthoh kum ka jingburom ia kitei ki ar ngut kiba la ioh ia ka khusnam ha kaba ia dei bad ka kam thoh khubor ka jong ki.
Lah ban kdew ba ka kong Alicia Bakor Phanwar 26 snem iaka ioh ia ka khusam “ENBA Gold Award for Best News Producer ha ka 30/Lber/2024, kane ka dei ka samla kaba dang khynnah tam kum ka nongthoh khubor kaba dei kum ka “ shift newsroom supervisor ha ka India India Today TV”.
Ka kong Princess Giri Rashir kala ioh ia ka khusnam “ Ramnath Goenka Award for Excellence in Journalism “ ha ka 19/Lber/2024 bad mynta ka trei bad ka East Mojo news portal, kaba na Guwahati.
Ia kane ka jingialang la pyniaid da ka nongbat pisa ka MEPA kong Banda Blah, kiba la kren ha kane ka sngi ki long u bah John W Thabah General Secretary bad u bah Monarch Shabong President bad u Rajiv Choudhury Vice President bad ka Patricia Mukhn kum ka nongai jingmut.
Ha ka jingkren ka kong Phanwar bad ka kong Rashir kila pynpaw ia ka jingsngewnguh ia ka MEPA kaba la pynkup burom ia ki ha kaba ia dei bad ka jingioh khusnam ka jong ki ha ki kamkaba ki trei kum ki nongthoh khubor.
