Shillong, Naiwieng 04: Ia ka jingpynkup burom ia ka batch kaba 102jong ki shahhikai Computer bad ka batch kaba 41 jong ki shahhikai Language la pynlong ha ka 4 tarik u Naiwieng 2023 ha auditorium jong ka Ramakrishna Mission Vivekananda Cultural Centre ha ka por 2bajenohphaisngi.
Ha kane ka sngi la wan iashim bynta lang da u B D R Tiwari, Commissioner & Secretary sha u Lat ka Jylla bad Chief Electoral Officer jong ka Sorkar Meghalaya, kum u kongsan.
Ha kane ka prokram, la kdew sha ki jingjop jong ki shahhikai ha ki thup bapher bapher ha kaba ki la don ki khusnam kum ki Session Topper, ki Best Project, ki Best Personality, bad ka jingai sngewbha ia ka korComputer.
UBanjopKuparWarjriu la ioh ia kane ka jingai sngewbha ia ka kor computer namar ka jingpyndephynriew tylli ki jingai jinghikai ha kane ka jaka ai jinghikai.
Ha ka jingai jingkren jong u, u Dr.Tiwariu la ban jur halor ka jingnoh synniang jong ka Ramakrishna Mission sha ka imlang sahlang, ka nongbah bad ka jylla. U la ong ba u dap da ka jingkmen ban iadonlang bad kine ki samla kiba long ka lawei jong ka ri.
U Br VairagyachaitanyaMaharaj, Director-Academics ha ka Ramakrishna Mission Vivekananda Cultural Centre, u la ai jingtip shaphang ki resol jong kane ka samoi. Kumba 1170 ngut ki shahhikai ki la pynrung kyrteng bad 860 ngut ki la ioh ia ki certificate.
U la pdiang burom ia baroh kiba wan iashim bynta ha kane ka sngi bad u la kitbokkitrwiang ia ki ha ki kam ba kin trei. U la pynshlur ia ki shahhikai ba kin pyndonkam ia ki jingai jingshakri jong kane ka kynhun khamtam ha kaba iadei bad ka jingai jinghikai computer ba kham halor.
Kito kiba la wan ha khmat eh jong ka jingpule ki long, ha ka kyrdan Computer-Beginner la ioh da ka KaIarilang Lyngdoh Nonglait, ha ka Computer-Intermediate, la ioh da ka AlvareenLyngdoh Nongbet, ha ka Computer-Accounting, la ioh da ka RuchitaChakraborty, ha ka DTP bynta ba nyngkong la ioh da U Arvind Deka bad haka Other expert level courses la ioh da u NeshitKuri
Na ka liang ki nonghikai, u Robertson Thangkhiew bad ka Sophia Katrai, ki la kitbokkitrwiang ia shahhikai bad ki la kyntu ia ki ba kin bteng ia ka jingwad ia ka jingnang jingstad da kaba kdew sha ki kam digital ba iar kiba don.
U Swami DivyaswarupanandaMaharaj, Centre-In-Charge, u la ai jingsngewnguh bad u la iarohia ka jingtrei shitom jong ki nonghikai kaba la pynlong ruh ba kane ka prokram mynta ka sngi ka long kaba iaidbeitiaidryntih.
U la kren ruh shaphang ki kam u Swami Vivekanandana ka bynta ka imlang sahlang bad u la kyntu ia ki shahhikai ba kin pynsaphriang ia ka nam jong u bad ki jinghikai jong u.
