Shillong, Lber 30: Mynta ka sngi u nongmih khmat kpa ba khuid sha ka Ri India u Nuncio u Archbishop Rev Leopoldo Garelli, ula pynkyntang Bishop ia u Rev Phadar Bernard Laloo ha ka jingiadon lang ki bishar bad da ki phew hajar ki riew ngiet jong ka Balang Katholik.
Ha ka jingkren sneng u Archbishop Rev Victor Lyngdoh jong ka jylla Niam bah Shillong la ong ba u Bishop ba thymmai u dei ban long bala kloi ban peit ia ki khun jong ka Balang ban pdiang bad ban map ia kiba la iaid sakma.
Kum u Nongsharai Rangbah ka Jylla Niam u kwah ba u Bishop Synrop u dei u nongpynshai ia ka Gospel bad ka kospel ba la pule na kabynta katei ka sngi ja iathuh ia ka jingim khristan.
Haba pynshai shuh shuh ia ka jingpule ba nyngkong bad ba-ar, u Archbishop u la ong shuh shuh ba ngi dei ban pyniasuk ialade shimet shimet bad ruh bad u Blei da kaba kylla bamut.
Ka 30 tarik u Lber ka sakhi ia ka lynti iaid ba 31 snem ia ka jingioh Bishop Synrop ia kaba u Archbishop Victor Lyngdoh u la shim ka bynta ban pyndep ia ka kyntang Bishop bad ban khot ia u nongshah pynkyntang ban pyn ithuh ia lade, ryngkat ka panbor na u mynsiem da ka ka jingrwai ha u Mynsiem bakhuid ba un wan hiar halor u nongpynkyntang.
Ha Jingpynkyntang Bishop la don u Cardinal Archbishop Leopoldo Garelli, u Apostolic Nuncio jong ka Vatican sha ri India bad sha Nepal uba la pynsngew paidbah ia ka shithi ha ka ktien Latin ba la phah da u Pope Francis ban thung bishop.
Bad la pynkylla sha ka khasi da u Sohblei Richard Majar u VG ka Jylla Niam bah Shillong. Ka kyntang Bishop ia u Bernard Laloo da u Archbishop Victor Lyngdoh u shim ka kylli ka pyrthew bad ka jubanlak ia u nongshah pynkyntang hadien kane la pynsleh da ka umphniang.
U Archbishop Victor Lyngdoh ha Jingpynkyntang u la duwai da ka jingbuh ia ki kti ha khlieh u Bishop Synrop thymmai ia ka jinglong apostol bad ka jingai ia ka bor jong u Bishop ha ka jingdonlang jong ki 23 ngut ki Bishop ka Jylla Shatei Lam Mihngi
La ai ia u Bishop ba thymmai ia ka Kitab Gospel, kum ka jingkitkhlieh jong u ban ialap ia ka Ktien U Blei bad ban hikai ia kiba ngeit. La ai ha u Bishop thymmai ia ka tupia u Diengduh Nar bad u jingdeng Diengphna.
La wan sakhi ruh da u myntri rangbah ka jylla u Conrad K Sangma, u Bah Prestone Tynsong Deputy Chief Minister kiwei ki riew sorkar bad kiba ha iing ha sem jong utei u bishop thymmai.
Na ka liang u Myntri Rangbah Jylla bad u Bah Prestone Tynsong ki pynkup burom ia u Bishop Synrop thymmai u Bishop Bernard Laloo kynthup ia u Nunci. Ki paid u Blei ka Jylla Niam bah Shillong ki ai burom ia u Blei namar u Bishop thymmai bad ka Catholic Association ka la pynkup burom ia u.
