Shillong, Lber 25: Katkum ka jingbthah jong ka sorkar pdeng ka sorkar jylla ruh kala pyntreikam ia ki lad ki lynti kumno ban iada na ka jingsaphriang jong u khniang jong pang COVID-19 ka sorkar pdeng kala pynbna ia ka Lockdown kaba 21 sngi.
Ban pynlait na ka jingiaid jong ki briew ka Deputy Commissioner jong ka East Khasi Hills District kala pynjari ia ka korphiew ha baroh kawei ka District ban long ka jingiada, hynrei ki briew kila ialeh pyrshah ia kane ka jingmana jong ka sorkar da kaba iaid da ki kali wat hapdeng ka jingmana.
Na ka liang jong ki pulit kiba don ha ki jaka bapher bapher ban peit ba ki paidbah ki dei ban kohnguh ia kane ka jingpynbna kila pynshitom ia kito kiba ia leh pyrshah da kaba pynbat skhor bad pynieng pynshong ia ki ha surok.
Kane ka jingpynshitom jong ki pulit da kaba pynieng pynshong bad phah kynthih jakoid ka long ha ki ba bun ki bynta jong kane ka sor Shillong. Na ka liang jong ki pulit kila hap ban leh ia kane namar ka jingbym khohnguh ka jong ki ia ka jingpynjari ka District Administration ia ka Kophiew.
Kane ka jingpynshitom jong ki pulit ia kiba pynkhein ia ka jingypnjari ia ka korphiew wat hapoh jong ka East Jiantia Hills District ruh kum juh, kane ka jingpynshitom jong ki pulit ia kiba ia leh pyrshah ka long ban pynsngewthuh ia ki briew ba ki dei ban kohnguh ban iada ia lade bad ka iing ka sem.
