Shillong, Naitung 12: Ka iing dorbar jong ka KHADC mynta ka sngi kala pynlait ia ka pisa kaba la kot sha ka T.99,24,600/- tyngka na ka bynta ki saw tylli ki tnad trei kam jong ka KHADC, ia kane ka jingpan pisa shuh la wanrah da u CEM u bah Pyniaid Sing Syiem.
U Bah Pyniaid haba wan rah ia kane ka jingpan pisa shuh na ka bynta ki saw tylli ki tnad treikam, na ka bynta ka tnad pla pisa ka kran No.3 la pan pisa shuh da T.14,66,000/- tyngka, kran No.6 kaba dei ka Legislative la pan pisa shuh sa T. 14,01,000/0 tyngka.
Ia ka kran No.7 kaba ia dei bad ka tnad pule la pan pisa shuh sa T.25,00,000/- tyngka bad ka kran No.9 kaba dei bad ka tnad Enforcement Scheme Protection of Tribal land la pan shuh sa T.45,67,600/- tyngka, namar ba kam don kano kano ka jingdawa ban pynduna ka iing dorbar kala pdiang ia kane ka jingpan pisa khlem da ia kren.
Kane ka jingpynlait ka iing dorbar jong ka KHADC ia ka jingpan pisa kaba la kot sha ka T.99,24,600./- tyngka ka long ba kane kan long na ka bynta kane ka snem mang tyngka jong u snem 2024-2025.
