Shillong, Nailar 23: Mynta ka sngi ki nongkit kam jong ka seng National ‘Federation of New States’kila pynlong ia ka jingiakhih shongkyllain mungor ha Janter Manter ha New Delhi ban dawa na ka bynta ban ioh jylla la ka jong.
Ka kynhun na Tripura kaba la dawa ban ioh ia la ka jong ka Tripaland, na Meghalaya ka jingdawa ka long ban ioh ia ka Garoland bad Khasi -Jaintia state katba bad ka Gurkhaland na ka jylla West Bengal.
Kane ka kynhun kan ia treilang kawei na ka bynta ban dawa na ka sorkar pdeng ban pynioh ia ka jylla Tripaland ha ka jylla Tripura, ka Garoland bad Khasi -Jaintia state kiba dei hapoh ka jylla Meghalaya bad ka Gurkhaland na ka jylla West Bengal.
Ka kynhun NFNS ka sa pynlogn ia ka jingialang paidbah hapoh ka jylla Tripura ban pynshai paidbah ia ka jingdon kam ban ioh ia ka jylla kaba pura na ka bynta ban ioh ia ka jingiada kaba kyrpang ia ki riewlum kiba dei ki rit paid, ia ka jingialang kin pynlong ha ka 23/9/2023.
Haba ia dei bad ka jingbym don ia ka shongsuk shong shngian ha ka jylla Manipur kum ka seng kan sa phah ia ka dorkhas sha u myntri rangbah duh jong ka Ri Indai bad kum juh sha u myntri rangbah ka jylla Manipur ba kin pynthikna ba kin pynioh biang ia ka shong suk ha katei ka jylla.
Kum ka kynhun ka kynti ia ki nongialam jong ka Kukiland kaba dei kawei na ki dkhot jong ka NFNS ba kin sngewbha ban wat ia ki lat ki lynti ban pynioh ia ka jingshong suk hapoh katei ka jylla Manipur kaba don mynta hapdeng ka saw ka sian.
