Shillong, Nohprah 11: Mynta ka sngi ka Bosco Integrated Development Child Friendly Shillong(BIDCFS) da ka jingiatreilang bad ka ophis jong u Superintendent ki pulit ba pyniaid kali kila pynlong ia ka jingpynshai paidbah ia ka rukom niha kali da kaba rah da ki jingthoh ha ki plakard.
Ki jaka kiba la pynlong ia kane ka jingrah pla kard kila sdang na Nongthymmai, Police point Laitumkhrah, Garikhana, Rilbong Point Motphrah bad pynkut ha Khyndailad, ki skul kiba la ia shom mynta ki long na ka skul bah MLCU bad IIPS baroh ki dei na Shillong.
Ki jingthoh kiba la thoh ha kip la kard ki long ban pynsngewthuh ia ki nongniah kali ba kin but ia ki kyndon kiba la buh da ka tnad ka kit ka bah jong ka sorkar pdeng, ba kin pynieng ia ki kali ha ki jaka ba la mang, da peit haba ki iaid ha ki jaka bla pruid dak lieh ha surok.
Ym bit ban shah ia ki khynnah ban niah kali, dei ban niah katban biang ia ki kali ban lait na ka jingmynsaw, ka jingpynieng pathar ia ki kali ka buh ha ka jingma ia ki nongiaid nongieng, ban lait na ki jingmynsaw but ia ki kyndon pyniaid kali.
Kine ki long ki katto katne ki jingthoh kiba la thoh ha ki pla kard bala rah da ki khynnah pule, ia kane ka jingpynshi paidbah la ialam da u Deep Gurung ba dei na ka Bosco Integrated Development Child Friendly Shillong.
