Shillong, Lber 21: Ka La pynlong ïa ka prokram pynbnapaidbah ba kyrpang halor ka Viksit Bharat ha NeIPS Lad Nongkrem, East Khasi Hills District, ryngkat ka prokram pynsngewthuh halor ki skhim trei kam ia ki briew ki bym don ha kanokano ka kynhun kaba la pynskhemha ka 19 tarik Lber, 2025. Palat 150 ngut ki briew ki la wan ïashim bynta ha kane ka prokram, kynthup ïa ki nongshong shnong bad ki shah hikai.
Ia kane ka jingialang la pliepaidbah da u Bah LamshaiThongni, Project Head jong ka NeIPS Lad Nongkrem kum u Kongsan. Ha ka jingai jingkren jong u, u la pynpaw ka jingsngewnguhïa ka CBC Regional Office Shillong kaba la pynlong ïa kane ka prokram, kaba la ai jingmyntoi shibun ïa ki shah hikai bad ki nongshong shnong.
U la pynkynmaw ia ki shah hikai ha ka kam shna jingshna ba shen yn sa pynpoi ia ki tiar sdang kam jong ki bad kyntu ia ki ban shim kabu ia ki skhim ba la tyrwa da ka tnad Labour bad ki jaka kiba trei ha ki kam pisa, khamtam eh ia ki jingmyntoi ba iadei bad ka bai bam tymmen na ka bynta ki nongtrei ki bym don ha kanokano ka kynhun kaba la pynskhem.
La ioh ia ka jingkren ai jinghikai na i kong Polly War, Labour Inspector na ka ophis treikam jong ka District Labour, East Khasi Hills, Shillong. I la ai jingbatai ba bniah halor ki jingmyntoi ba ki nong shna jingshna ki lah ban ïoh hapoh ka Meghalaya Building and Other Construction Workers Welfare Board (MBOCWWB).
La kren shaphang ki kyndon ban pynrung kyrteng bad ki grant bad ki jingmyntoi bapher bapher kiba ki nongtrei kiba la pynrung kyrteng ki lah ban ioh. Kane ka jingïalang ka la long kaba kongsan bha namar ba bun na ki shah hikai bad ki nongshong shnong kiba la don lang ki dei na ka kam shna jingshna.
Ka Kong DaphilalunNiller, BM MRB, bad Bah MebanMyrthong na ka Moneywise ruh ki la ai jingkren ha kane ka jingialang, ha kaba ki la pynleit jingmut ha ki lai tylli ki skhim bai bam tymmen na ka bynta ki nongtrei ki bym don seng: ka PradhanMantriJeevanJyotiBimaYojana (PMJJBjana), ka Atal Pension Yojana (APY), bad ka PradhanMantriYojana (Atal Pension SurakshaBimaBima).
Kila batai bniah shaphang ki jingmyntoi jong kawei pa kawei ka skhim, kynthup ïa ka jingïadaïa ka jingim, ka jingïada na ki jingjiaaksiden, bad ki plan ba iadei bad ka bai bam tymmen, da kaba pynshlur ïa ki briew kiba dei hok ban pynrung kyrteng bad ban pynthikna ïa ka lawei jong ki ha ka liang ka pisa tyngka.
La sdang ïa kane ka jingïalang da ka jingkren ai khubleina u nongpyniaid, Bah JosephasThongni, uba la pynshaiïa ki nongwan ha kane ka prokram shaphang ki jingthmu jong ka prokram. Ha kane ka prokram la pyni ia ka sap jong ki nongiashim bynta kiba la poi sha ka phainal, kynthup ia ka jingrwai bad jingshad.
Ha kaba pynkutia ka prokram, la pynbna ia ki nongjop jong ka jingpyni ia ki sap bad la ai ia ki khusnam pisa. U PynkhrawborWankhar u la wan ha ka kyrdan ba nyngkong, bud sa u BestarwellNongsiej ha ka kyrdan ba ar, bad ka DaphishimtiKharumnuid ha ka kyrdan ba lai.
La pynkutïa kane ka jingïalang da ka jingkren ai khublei na ka Christina Taipodia, kaba la pynpaw ka jingsngewnguhïa ka jaka ai jinghikai kaba la pynlong ïa kane ka prokram bad ai khubleiïa ki jingnoh synniang jong ki riewshemphang na ka tnad Labour, MRB, bad ka Moneywise.
