Shillong, Kyllalyngkot 31: Kum shi bynta ban rakhe ia ka jingdap 10 snem jong ka Seng mynta u snem 2024 naduh bala seng iaka ha u snem 2014 mynta ka sngi la pynlong ia ka jingai snam ei mynta ka sngi ha skul bah NEHU hapoh jong ka Community Hall.
Ia kane ka jingai snam ei la pynlong ia ka jingtreilang bad ka ka Transfusion Medicine bad Blood Centre, NEIGRIHMS, Shillong, ka Meghalaya AIDS Control Society bad ka Meghalaya State Blood Transfusion Council.
Ki dkhot ka Seng da ki phew ngut kila wan ban noh synniang ia ka snam kaba kordor ka jong ki ha kane ka Prokram kum shi bynta ban iarap ia kito kiba don kam ia ka snam ha ki jingpang jingshitom ki jong ki.
Na ka liang ka Blood Donation Cell jong ka Seng ka ai khublei ia baroh ki dkhot ka Seng kiba lah wan ban ia shim bynta ha kane ka Prokram badki ngeit skhem ba lyngba kane ka jingaisnam ka jong kikan long ka jingkyrkhu ia kiba bun ki mynsiem briew kiba kordor kiba lah ban ioh ia ka jingiarap.
Ka seng ka ai khublei ia ki Doctors, ki Counselors bad ki nongtrei na poh ka Hospital NEIGRIHMS kiba la wan ban pynbitpynbiang ia ki jingdon kam baroh na bynta kane ka Prokram bad lyngba ka jingiatreilang kila lah ban pynlong iaka Prokram kabajop.
