Shillong, Jylliew 28: Ka Khasi Students’ Union War Jaintia Circle bad ka Amlarem Police Station ki la pynlong ia ka program ban kiar na ki jingdih pynbuaid khamtam na u Drugs ‘ Say No to Drugs, Yes to Life’ ha ka 27 tarik mynta u Bnai ha iew Amlarem.
Kane ka program ka long ban rat diengkhong ia ki kam kiba iadei bad u drugs khnang ba ka thain ki khynnah Samla ka thain War Jaintia kin lait na ka jingdih ne pyndonkam ia u drugs. Ha kane ka program la iadon ryngkat u Magistrate jong ka Civil Sub division, Synjuk Waheh Shnong ka thain War, ki Rangbah Shnong.
Haka jing ai jingkren naka Liang u Officer Incharge ka Amlarem Police Station ula kyntu jur ia ki khun samla ka thain ba kim dei ban ngop ha une u jaid jingdih ba pynjot iaka lawei ki khun samla bad iaka thain hi baroh kawei
U ai ka jingkyntu ia ki bor shnong ki sengbhalang ban iatreilang ban rat dingkhong kum kine ki jaid jingdih,u kyntu ruh ia ki khun samla ka thain ba kin long kiba husiar bha ,la kyntu ruh iaki kmie ki kpa ba kin long kiba adkar iala ki khun bad nang ban ieid ai por bad ki khun.
Kiwei kiwei ruh kiba kren ha kane ka jingialang ki la kyntu ia baroh ki khun samla ka thain War Jaintia ban iaid ha ka lynti kaba khuid ba suba ban burom ia ki riew Rangbah khnang ban lah ban kiew ha ki liang baroh.
Na ka liang ka Seng la ai jingkren da u Publicity Secretary Samla Platini Mukhim ha kaba ma ruh ula tyrwa Sha ki bor ba dei peit ba ka Seng ka kloi ka kti ka mon ka kti ka diang ban iatreilang na ka bynta ka kam ba bha jong ki khun samla kiba long ka Lawei jong ka jaitbynriew.
Ka Seng ka kloi ban iatreilang bad ki bor police bad ki VDP jong ki shnong lada ki donkam na ka bynta ka jingbha jingmiat jong ka thain.
