Shillong, Lber 27: Ka Assam Rifles ka la pynlong ia ka bynta kaba ar jong ka Assam Rifles Annual Women’s Football Tournament na ka bynta ki kynhun ha kylleng ki jylla ka thain shateiLammihngi. La ai kyrteng kum ka Sentinels Cup kaba ïahap bad ka nam jong ka Assam Rifles kum ‘Ki nongiada jong ka thaiñshateilammihngi’.
Hynniew tylli ki kynhun ialehkaiphutboljong ki kynthei na Meghalaya, Assam, Nagaland, Tripura, Arunachal Pradesh, Mizoram bad ka Assam Rifles ki la iashim bynta ha kane ka lympungialehkai.
Ia ka bynta kaba nyngkong jong ka lympungialehkai la pynlong ha Lokra, Assam. Ha ka Semifinal ka jingiakhun kalong hapdeng ka kynhun jong ka Assam Rifles bad ka Meghalaya bad ha ka Semifinal kaba ar ka jingiakhun kalong hapdeng ka kynhun na Tripura bad Assam.
Ha ka final ka jingiakhun kalong hapdeng ka kynhun na ka Assam Rifles bad ka Tripura ha ka 27 tarik Lber 2025 ha Laitkor Garrison jong ka Assam Rifles ha nongbahShillong.
Ka bynta kaba ar jong ka Sentinels Cup ka la sdang ha ka 16 tarik Lber 2025 ha Lokhra, Assam lyngba ka jingialang pliepaidbah kaba iphuhiphieng. Man ka jingialehkai ha kane ka lympungla ialehkaibhada ka mynsiem jong ki nongiakhun.
Ha kane ka lympung la ïohiïa ka jingkiew bad jinghiar ha ki kyrdan jong ki kynhun ryngkat bad katto katne ki jingïalehkai kiba la ïakhuntyngeh. Ki ar tylli ki kynhun kiba tbit tam ki la ïakhunna ka bynta ka phainal. Ki ar tylli ki kynhun kiba tbit tam ki la ïakhun ban ïohïa ka khusnam bad ka khusnam pisa kaba T.3,50,000na ka bynta ka lahduh.
Ha ka phainal jong ka Sentinel Cup la iakhun hapdeng ki kynhun jong ka Assam Rifles bad ka Tripura. Ka kynhun naka Assam Rifles ka la long ka lahduh jong ka bynta kaba ar jong ka Sentinels Cup Football Tournament 2025.
Ia kane ka lympungialehkaila pliepaidbah da u Lt Gen VikasLakhera, AVSM, SM, Director General Assam Rifles &ka VibhaLakhera, President jong ka ARWWA.
Ia ki takma na ka bynta kane ka jingialehkai la sam da ka VibhaLakhera, President jong ka ARWWA bad ia ki trophy la sam da u Lt Gen VikasLakhera AVSM, SM. La pynbyrngia ia ki nongpeitkai da katto katne ki jingialehkaiphutbol ba la pyni da ki nongialehkai phutbol kiba tbit, kiba don ka jingangnud bad kiba ialehkai bha na baroh ar tylli ki kynhun.
Ka Assam Rifles, ka kynhun shipai kaba sngew sarong ban long ka ‘Paralok jong ka thain shateilammihngi’ ka kyntiew ia ka jingialehkai kum ka atiar ban pynshlur ia ki samla ban kiar na ki kam lehnoh bad ki jingdih buaid bad ruh ban ithuh ia ka sap kaba bun jong ka thain shateilammihngi na ka bynta ka jingkiew shaphrang ha ki por ban wan.
Ka Assam Rifles ka don ruh ka jingïatehkular bad ka BhaichungBhutia Football Academy ha ka Assam Rifles Public School (Sports) jong ka na ka bynta ban seimadanïa ka sap ïalehkai phutbol jong ka thaiñ Shatei Lammihngi da ka jingthmu ban kyntiew ïa ki sienjam Khelo India Abhiyanbad Fit India Movement jong ka Sorkar India.
