Shillong, Rymphang 27: Ka National Council for Teacher Education (NCTE) ka la pynlong National Conclave 2025 ba ar sngi halor ka phang pdeng ‘Transforming Teacher Education towards Viksit Bharat 2047’ ïa kane ka conclave ba ar sngi la pynlong ha ka 27 bad 28 tarik u Rymphang 2025 ha Multi Convention Hall NEHU, Shillong.
Kane ka long kum ka jingplie lad ïa ki samla pule ka thaiñ shatei lam mihngi ka ri india kiba don jingthrang ban pyntbit ïa lade ha ka kam hikai skul, kolej bad university,
Ïa kane ka jingialng la wan ban plie da u Lat ka Jylla u C H Vijayashankar kum u kongsan ha ryngkat ka jingiadon lang u Prof N Saha Vice Chancellor ka NEHU, u Prof BB Kharbirymbai HOD Department Education NEHU ki Nonghikai bad kiwei kiwei.
Ha ba ai jingkren ha kane ka jingialang na ka liang u Lat u C H Vijayashankar u la pynkynmaw ïa ki por ka jinglong khynnah jong u khamtam kum u khynnah skul ha kaba u kham sngewtynnad ban kham pynlut por ha ka ‘physical education’ bad ha ka put ka tem bad mynta kine la kynthup lut ha poh ka NEP 2020 . U la ong ruh ba ka don kam ka jingtrei shitom bad ka jingiatreilang khnang ba yn lah ban pyntyllun sha khmat ïa ka jingpyntrei kam ïa ka NEP ha ka jylla.
Kat ba na ka liang u Chairperson jong ka National Council for Teacher Education (NCTE) u Pankaj Arora u la pynpaw ïa ka jingsngewkmen halor ka ‘Visit Bharat 2024’. U la ong ruh ba ka mat trei kam jong ka NCTE ka long ban pynthymai ïa ka rukom ai jinghikai sha ki Nonghikai.
U la ong ruh ba kane ka National Conclave ka dei ka ba nyngkong ban pynlong sha kane ka thaiñ shatei lam mihngi ka Ri India. U la ong ruh ba ka don ïa ka thong ban wanrah ïa ka jingkylla ha ka jingai jinghikai ïa ki Nonghikai lyngba ka Integrated Teacher Education Programme (ITEP) .
Na ka liang u Prof. N. Saha, Vice Chancellor, ka NEHU, Shillong u la pdiang sngewbha ïa baroh kiba la wan sha kane ka jingialang bad kumjuh ruh ïa ki bala shah khot sngewbha. U la ong ruh ba ka India ka long ka Ri kaba lah ban pynmih ïa la ki jong ki nonghikai khlem da don kam na kiwei pat ki ri.
U Prof Saha u la ong ruh ba ka India ka dei ka Ri ka ba ki khynnah ki shaniah tylli ha ka jinghikai na ki nonghikai, kumta ka donkam ban ngin kham pynleit jingmut ha ka kine ki kor ki bor ka juk mynta khnang bay n lah ban pyniar khnang bay n lah ban pyniar ïa ka jingnang jingtip lyngba kane ka juk stad ba mynta.
Ha kane ka sngi la ïoh ruh ki kyntien ai khublei na ka Abhilasha JHa Misra, Member Secretary NCTE.
