Shillong, Lber 18: Ka Yuva Utsav bad ka Panch Pran ryngkat ka India@2047 kala pynlong ia ka jingrakhe kaba shisngi ha East Khasi Hills, Meghalaya ia kaba la pyniaid da ka Nehru Yuva Kendra, Shillong, ka tnad ba dei peit ia ki samla jong ka Ministry ka Youth Affairs and Sports.
Ka NYK Shillong kala pynlong ia ka jingiakop dro dur kum ka jingpynshai paidbah ban ia khun pyrshah ia ka jingpang TB na ka Ri India ha u snem 2047, ha kane ka sngi u bah H S Kharpran u la ong u kongsan ha kane ka sngi ia kop dro dur.
Ha kane ka jingiakop dro dur ki don haduh 200 ngut kiba la wan ban ia shim bynta kaba la long ha Shillong Jail Road Boys’ Higher Secondary School. Nalor ka jingiakop dro dur la pynlong ruh ia ka jingthoh poetry, ka jingiakop shondur da ka mobile bad ka jingiakop pyniriam tynrai.
Ha kane ka sngi la don lang ruh na ka tnad ka koit ka khiah kaba dei na ka National Health Mission, Meghalaya, ka ophis jong ka State Tuberculosis, ka tnad ialehkai, DJD, ka tnad rep bad ka phang pdeng ka long ba kila kren ia ka roi ka par ha ka jylla.
Iaka jingialang la pyniaid da u bah Kynsaibor Kharkongor president ka Yuva Utsav jong ka Mawryngkneng, ka phang ka long ban kyntiew ia ka roi ka par ha ka Ri India, ban weng ia ka mynsiem sngewmraw, ban sngew sarong ia kaei kaba la don bad ban wanrah ia ka jingiatylli ha ka Ri India.
U Director ka NYKS ka jyllla Meghalaya u Sharmistha Dhote, ki ophsiar na ka RBI Shillong u O. Mawthoh,DSO,East Khasi Hills District,Dr.M.Mawrie, u ophisar na ka State Tuberculosis u A .Ansari,Assistant Director bad u Arulnidhi K, Technical Officer, Directorate Jute bad bun kiwei ki heh sorkar pdeng kila don lang.
