Shillong 25 Jylliew: Ka Wahkhen United Sports Club lem bad ka jingiatreilang bad ka Nehru Yuva Sangathan Kend
ra, East Khasi Hills Shillong ka la pyllong ia ka jingiakilan met Yoga ha kane ka sngi Saitjain bala dep mynta u bnai ha phyllaw ka Sieng Riti Wahkhen.
Ha kane ka jingiakilan met Yoga la pynlong hapoh ka jinghikai jong u nonghikai u Bah Promeyoo Khongjirem ba la don lang u president ka seng u bah Dmuising Khongjirem, ki nongkitkam, bad ki samla ka shnong bad ki khynnah kiba la wan ban iashim bynta ha kane ka sngi.
Shwa ban pyllong ia ka jinghikai, u Bah Promeyoo u la ai ka jingbatai ia ka jingmut jong ka Yoga bad kumjuh ka jingmyntoi kiba lah ban ioh na ka jingkilanmet Yoga na ka bynta ban pyllong ia ka met ka phad kaba koit kaba khiah bad ka jingmut jingpyrkhat kaba khlain.
Haduh 68 ngut ki samla bad khynnah ka shnong Wahkhen ki la wan ban iashim bynta ha kane ka sngi, kiba la ioh mad ia ka jingkilanmet yoga ha ka sien kaba nyngkong ha ka shnong.
Ia ka jingkilanmet la pyllong ha ka por mynstep ha kaba la pyndep bun ki bynta jong ka jingkilan met, kiban pyllait na ki jingpang bad jingshitom ha ka met bad ka bor pyrkhat.
Hadien ba la pynwai ia ka jingkilanmet la don ruh ka jingiadih shwa bad ka jingiamir jingmut hapdeng ki samla shaphang ka jingsngew tynnad bad ka jingkyndit ban shem ia kum kane ka jingkilanmet.
