Shillong, Nohprah 19: Mynta ka sngi u Lat ka jylla u Phagu Chauhan u la pynlong ia ka jingleh kmen Khrismas da kaba la wan ban ia shim bynta ki nongrwai na kylleng ban pynshong shit ia kane ka jinglehkmen.
Ha kane ka sngi u Lat ka jylla u la sam ruh ia ki jingai sngewbha sha ki nongtrei ka Raj Bahvan kum ka jingburom ia ka jingtrei shitom ka jong ki ha baroh shisnem lynter, ha kane ka sngi u ai khublei ia ki paidbah ka jylla Meghalaya ban ioh ia ka jingsuk bad ban kiew ha ka ioh ka kot.
Ban bteng ia kane ka jingleh kmen Khristmas, la ioh ia ka jingrwai na ka kynhun nongrwai na ka blang Presbyterian Laban, ki khynnah shynrang na ka Balang Presbyterian Jaiaw kiba la pyniaka sap jong ki samla na kane ka jylla Meghalaya.
Ha shuwa jong kane, kum shibynta jong ka National Integration Tour (NIT) hapoh ak jingpeit jong ka kynhun shipai Spear Corps bad Red Shield Division, ki la don 20 ngut ki samla pule na ka skul Loyola Senior Secondary School, Zakhama, Nagaland, bala synran da ki lain gut ki nonghikai kila ia kynduhia u lat ka jylla ha Raj Bahvan Shilong.
Ha kane ka jingiakynduh na ka liang jong u Lat ka jylla u la ban jur ban don kata ka jingiatylli kawei ha ka ri bad kane ka dei kawei na ki lat ki lynti bad u la kyntu ban pyndon ia ka jingpule kum kawei na ki lat ban pynsngewthuh ia ka jingialang kawei, kine ki samla pule na Nagaland ruh kin ioh ban leit peit ia ki jaka bapher abpher ha kane ka nongbah Shillong.
