Shillong, Jylliew 12: Namar ka jignwan ka lyiur ka sorkar kala pynmih ia ki jingbthah ia ki paidbah kumno ban kiar na u pyrthad bad ka leilieh, kumno ban leh ban ia da haba don shabar na la ki iing.
kine harum ki long katto katne ki jingbthah ban shngain bad ban lait na ki jingmynsaw, Da khmih ia ki jingpynbna kiba iadei bad ka suinbneng haba phi hap ban leit sha kino kino ki kam ki jam shabar na la ka iing ka sem.
Lada phi iohi ba don u slap, u phria, ka lyer, u pyrthat bad ka ‘leilieh shong shwa hapoh iing la kumno kumno kumba 30 minit. Wat ju leit shabar na ki iing ha ka por ba sniew ka suinbneng khamtam ban leit trei leit ktah ha lyngkha, leit pynbam phlang ia ki jingri, leit khwai dohkha, leit king lieng lane mih leit jingleit.
Haba u byrngem u pyrthat, shong hapoh ki jaka rieh ba shngain. Kiar na ki jingtei ba da ki nar bad ki jingtei ba tap da ki tin bad ki nar. Ki jaka rieh ba shngain ki kynthup ia ki iing ki sem, ki ophis, jaka iew hapoh ki iing ba skhem bad ki kali ki ba don ki tnum ba eh ryngkat bad ki jingkhang iit ba la khang bha.
Lada jia ba phi don habar ha ka jaka ba thylli ka bym don kano kano ruh ka jaka rieh ba shngain, kynriah mar mar na ki jaka ba long kynjang kum ki jaka lum, jaka ba long riat bad ki kliar lum. Lada jia ba phi don ha ka jaka ba thylli bym don iing don sem, ialeh ban kiar n aka jingma kloi katba lah.
Kan bha shibun ban wad jaka rieh ha ka jaka ba long them bad da pynthikna ba kata ka jaka kan ym shlei um lada jia ba jur u slap. Ka jingieng u sniuh hadien ryndang ryngkat bad ka jingsngewsmiej ka lah ban dei ka dak ba kan pom ka ‘leilieh bad u pyrthat.
Ialeh kloi lan ban mih sha ryngkew bad jngai na ki pung, ki bir, ki nan bad kiwei kiwei ki jaka ba lang um. Kiar na kino kino ki sainar lane ki mar kiba lah ban par ka ding elektrik (telephone, sainar bor ding elektrik, jingker nar, ki sainar ba pynpur hajrong, ki lynti rel, ki kor khyrwait da ka lyer bad kumta ter ter), ki dieng bad ki kliar lum.
Ki juti jri bad ki shaka kali kim lah ban iada na ka ‘leilieh bad u pyrthat. Lada phi ia don shi kynhun bad lap kynsan u slap, u phria, ka lyer, ka ’leiIlieh bad pyrthat, phi dei ban ia saphred bad pyniajngai iwei na iwei pat khnang ban pynduna ia ka jingma bad jingmynsaw.
Ki Bymdei ban leh, Wat ju leit shabar na ki iing ha ka por ba sniew ka suinbneng khamtam ban leit trei leit ktah ha lyngkha, leit pynbam phlang ia ki jingri, leit khwai dohkha, leit king lieng lane mih leit jingleit.
Lada phi don ha ka jaka ba long khlaw, rieh hatrai ki dieng ba lyngkot lane kiba long sanium. Kiar na ka jingpyndonkam ia ki phone ba pyndait sainar bad kiwei kiwei ki mar elektrik ki ba lah ban khring ia ka ding ‘leilieh.
Tangba ka long shngain ba phin pyndonkam ia ki phone bym pyndait sainar (cordless/mobile) wat haba sniew bha ka suinbneng. Kiar ban shong ha ki kali bym don jingtap ne jingda kum ki thuk thuk, ki kali kit ialehkai golf bad kiwei kiwei.
Kiar na ki jingtei ne ki jaka bym don jingda kum ki shyngkup iing, ki jaka shong jngoh jingialehkai ,kum ki jaka tied golf, jaka iaidkai pyngngad bad ki madan ialehkai. Kumjuh ruh kiar nan a ki jaka ba don um kum ki pung, ki nan, ki bir, jaka jngi bad ki rud duriaw.
Ki Badei Bad Bymdei Ban Leh Haba Mih Leit Jingleit :- • Da khmih ia ki jingpynbna kiba iadei bad ka suinbneng haba phi hap ban leit sha kino kino ki kam ki jam shabar na la ka iing ka sem . Lada don ka jingbatai lypa lane jingmaham ba lah ban hap slap, phria, lyer, ‘leilieh bad pyrthat, sangeh shwa ban leit lane ban trei ia ki kam shabar ki iing ki sem.
Haba don slap, phria, lyer, ‘leilieh bad pyrthat , kiar na ka jingpyndonkam lane ban shong ha ki kali bym don jingtap ne jingda kum ki thuk thuk, ki kali kit ialehkai golf bad kiwei kiwei.
Pynthikna ban kiar na ki jingtei ne ki jaka bym don jingda kum ki shyngkup iing, ki jaka shong jngoh jingialehkai (sports arenas) –kum ki jaka tied golf, jaka iaidkai pyngngad bad ki madan ialehkai.
Kumjuh ruh kiar nan a ki jaka ba don um kum ki pung, ki nan, ki bir, jaka jngi bad ki rud duriaw. Hiar na ki thuk thuk lane ki kali ba pyndonkam ha ka rep ka riang kiba lah ban khring ia ka ding ‘leilieh bad pyrthat. Lada phi dang king lieng lane dang jngi, ialeh ban kiew sha ryngkew kloi katba lah bad wad jaka rieh ba longshngain.
Haba jur u slap, ka lyer, u phria, ka ‘leilieh bad pyrthat, shongkhop hapoh ka kali jongphi haduh ban da wan poi jingiarap lane haduh ban da jem ka suinbneng (ka tnum kali kan iada iaphi lada phim ktah iaka da ka kti jongphi ia ka bynta ba shapoh): dei ban khang pynkiew ia ki iit kali bad pynieng ia ka kali jngai na ki dieng bad ki sainar elektrik.
Kynriah na ki jaka ba long khlaw (khamtam ki khlaw kseh) sha ki jaka bym don jingwit. Namar ki khlaw ki lah ban pluh lada pom u pyrthat bad ka ‘leilieh. Lada don kano kano ka jingjia, ki paidbah ki lah ban pyntip da kaba phone sha ka District Emergency Operations Centre ha u nombar 0364-2225289/2502094 bad ruh ka State Emergency Operations Centre ha u nombar 0364-2502098.
