Shilong, Iaiong 01: Ka seng samla pule ka Naga Students’ Union Shillong (NSUS) kala pynpaw ia ka jingsngewnguh ia ka KSU namar ba pyni ia ka jingshah thombor ki samla pule Naga ha u snem 1979 ha ka phlim ba la pynmih da ka seng.
Ia kane ka jingai burom sha ki nongialam jong ka KSU la lam khmat ia kane ka kynhun da u samla Moranthyel Saka Uipo u ba dei u General Secretary barim ka NSUS bad u President ka Uipo Naga Students’ Union Shillong.
La don ryngkat ruh u samla Pyntngen Mashli uba dei u President ka Students’ Bar Association ka Shillong Law College bad kiwei ki dkhot. Kine ruh ki la pynpaw ba ka phlim ka KSU ka la ai jingtip bad jinghikai halor ha history jong ka Jaidbynriew.
Ia kane ka jingai burom na ka liang jong ki seng samla pule Naga Students Union Shillong ha ka jingiakynduh kaba kila pynlong ha Shillong Club, ka KSU la ka pyni ia ka jingshah thombor ki Naga ha Shillong ha ka phlim 1978-KSU SHIRTA.
