Shillong, Lber 16: Ka seng A’chik Conscious Holistically Integrated Krima (ACHIK) kala pynrem jur halor ka jingshah shoh dusmon u wei ki samla pule katba y dang leit sha jaka hikai Komputer ha nongbah Shillong.
Ka seng ka ong ba kila iohi ia ka Video kaba la thep da kiba ha iing jong samla ba shah shoh, la ong ba ka jingshah shoh kala long kaba la jur bha kumta na ka liang ka seng ka pynrem jur ia kane ka jingjia, kane ka dei ka jingpynma ia kaba ka seng kam lah ban pdiang.
Ka seng ka dawa na ka tnad kam poh iing ba ki pulit ka jylla Meghalaya ki dei ban tohkit mardor bad kem ia kiba don kti bad ai ka ain kan leh ia kaba don kam, ka tnad kam poh iing ka dei ban pynthikna ban ai ka jingshngian ia ki paidbah bad ia ki riew shimet.
Kane ka jingjia ka buh ia ki paidbah ha ka jingshong syier kaba kraw, kum ka seng ka kyntu ia ki bor jong ka tnad pulit ba kin leh ia kaba don kam ban kem ia ki nong leh kam siew bad ban pynshitom ia ki ha ki kyndon jong ja ain.
Na ka liang jong ka seng ka byrngem ban pynlong da ka jingiaid paidbah ban pynpaw ia kla jingpyrshah ia kane ka jingjia bad ki rah ruh sha ki bor jong ka iing bishar ban ioh ia ka jingiada kaba pura la thoh da ka seng ka ka kyrwoh kaba la phah sha ki lat pathai khubor.
