Shillong, Kyllalyngkot 06: Ka seng samla pule jong ka skul bah North Eastern Hill University Shillong ka pynrem jur ia ki riew sniew kiba la leit ban ktah kti bad soh bad dat ia ki samla pule hapoh jong ka skul bah JNU ha Delhi.
Ka NEHUSU ka ai ka jingkyrshan ia ki samla pule jong ka JNU New Delhi ha kaba ia dei bad kane ka jingjia kaba sngewsih.
Ka NEHUSU ka pynpaw ba ki samla pule kid ei ka lawei jong ka pyrthei, hynrei kaba sngewsih ka long ba ki samla pule jong ka JNU New Delhi kila shah shoh shah dat khlem jingmap ia kane ka jingleh yn nym lah ban pdiang.
Kane ka jingleh ka dei ka jingleh jong ki briew kiba yn don shuh ka bor jabieng ban pyrkhat. Kane ka jingjia kala pynlong ia u samla pule ba kin nym don shuh ka jingshngain hapoh ka tei ka jaka pule.
