Shillong, Nohprah 10: Mynta ka sngi ka Shillong Lajong FC kala mat ia ka jingshah rem kaba nyngkong hakaba ka Aizwal FC kala pynrem da 3-0 ha ka jingialehkai kaba la long mynta ka sngi ha SSA Stadium ha Polo, kane ka jingshah rem mynta ka sngi kala duh noh ia ka jingjop kaba khlem pat shah rem.
Ha kane ka jingialehkai ka Aizwal FC kala ioh ban thep dang step lyngba u rang ialehkai bas ha khmnat Lalrinzuala Lalbiaknia ha ka minit kaba saw bad tang ha k minit kaba 17 kila thep kol biang lyngba u R Ramdinthara.
Na ka jingialehkai kala paw ba ka Aizawl FC kala hun ha kane ka jingioh thep ar kol bad kila pynkhlian noh ia ka jingiada ban pynthikn ba ka Shillong Lajong FC kam dei ban ioh thep kol, kala ailad ia ka Shillong Lajong FC hynrei kam shym ioh ban thep kol ha ka kylla step.
Ha ka kylla miet ha ka minit kaba 57 ka Aizwal FC kala ioh na thep biang sa shikol lyngba u Joe Zoherliana da kaba kynjat kornar, da kane ka jingshah rem ka Shillong Lajong FC kala don ha ka kyrdan kaba saw bad 16 point na ki khyndai sien ki jingialehkai. Ka Shillong La jong kan sa ia khun pat bad ka Real Kashmir FC ha ka 16th Nohprah 2023 ha madan TRC Turf Ground, Srinagar ha ka por 2 baje noh phai sngi.
