Shillong, Nailar 26: Ha ka jingialehkai Semi Phainal ha ka sien kaba nyngkong haka 133rd Durand Cup 2024 ka Shillong Lajong FC kala shah rem noh haka Northeast United FC 3-0 ha ka jingialehkai kaba la long ha JN Stadium ha Polo mynta ka sngi ha kaba palat 15000 ngut ki nongpeitkai kila ia sakhi lang.
Ha ba phai sha ka jingiakhun jong kine ki ar Tylli ki kynhun ha ka ba ia ki Ar tylli ki koll la ioh ban thep ha ka kylla step bala thep da u Thoi Singh ha ka minute ka ba 13 bad u nongthep kol ka Morocco Alaaeddin Ajaraie ha ka minute ka ba 33, nalor ka kol bala thep da ka por bynrap jong ka kylla miet da u Parthib Gagoi.
Kine ki kol ba laioh ban thep da ka NorthEast FC kala biang pura ia ka kynhun ban thaw ia ka histori ha ka Durand Cup. Na ka bynta ka North East United FC kane Kan dei ka jingiakhun phainal kaba heh duh jong ka kynhun naduh ba ka mih pyrthei.
U paidbah ba palat 15,000 ngut tam khambun ki trai shnong, tang hapoh ka 13 minit jong ka jingiakhun, kila kyndeh bad sngap jar na ka jingia kynhoi ia risa hadien ka jingthep kol u Thoi, ia uba la pynmih bujli da u Coach na Spain Juan Pedro Ben Ali bad khamtam eh hadien ka jingioh thep biang sa u Ajaraie ha ka minit ba 33.
Ka kynhun ki rang ialehkai ka Shillong Lajong kila iakhun dohiap ban ioh pynphai ia ki kol hynrei ka jingdon u rang ialehkai ka NEUFC kum u Mohammeed Ali Bemammer ha pdeng madan, kala pynjem khnap ia ki rang ka Shillong Lajong hashuwa ka jingioh thep kol sa u Parthib ha ka 93 minit.
Ka kynhun ka Shillong Lajong kala pyrshang kat kaba lah hynrei ka NEUFC kala lah ban ialehkai bha shadien nalor ka jing pyntur ia ki rang thep kol shakhmat, kaba lam sha ka jingioh thepia ka kol ba lai da u Parthib.
