Tyrwa ka HYC ha ka Expert Committee ban pynshong nongrim iaka R.P ha ka jingbun paid

Shillong, Risaw 03: Mynta ka sngi ka HYC ha ka jingiakynduh bad ka Expert Committee kala tyrwa ba ia ka Reservation Policy dei ban pynshong nongrim ha ka jingbun paidbah bad kala ong ba dei ban bhah kam 50% ia ki Khasi bad 40% ia ki Garo. 3% ia kiwei ki ST, 2% ia ki SC bad 5% ia ki bymhap ha kano kano ka kynhun dei ban mang 5%.
Ka HYC ka ong ba ka Reservation Policy kam dei ban trei ha ka jingpule bad ka sorkar ka dei ban shna ai la ka jong hapoh ka riti synshar jong ka Ri India Artikle 15(4) ha kaba bad ki jaka pule bad lada ka sorkar ka leh ia kata 93% ka jingbhah kam kan long kyllun ia baroh ki riewlun, 2% SC bad 5% kan long na ka bynta kiwei.
Ha ki District dei ban mang 93% ia ki ST, 2% ia ki SC bad 5% ia kiwei, ka Reservation kam dei ban long ha ki kam wat bniah, haba ia dei bad ka jingrah ia ki kam kiba dang lait sha kawei pat ka snem die ban pynduh noh bad lada don ba thylli dei ban thung kakum ka jingpoi sha khmat ha ka reslot thung kam.
Ha kiwei ki kam ki bym dei jong ka sorkar, hynrei ki dei kiba pyniaid da ka sorkar dei ban mang 93% ia ki ST, 2% SC bad 5% ia kiwei kiwei, la kyntu ruh ba ka jingbhah kam ka dei ban long tang ia ki nongshong shnong ba pura jong ka jylla Meghalaya. Ia ka Reservation Police dei ban long noh da ka ain, kane ka long katkum ka jingthoh kaba la ai da u President ka seng u bah Roy Kupar Synrem ka seng HYC.