Shillong Naiwieng 19: Ka Block Executive Committee jong ka party NPP ka 17-North Shillong konstitwensi la pynskhem mynta ka sngi da u state president ka NPP u Dr. W.R Kharlukhi ha ka jingialang kaba la pynlong ha Khasi National Dorbar Hall ha Mawkhar.
Ha kane ka jingpynskhem ia ka BEC jong ka NPP la don lang u kyrtong ka party u bah Ransom Sutnga, u bah Teibor Pathaw, u bah Rocky Hek, ka kyrtong na Nongthymmai ka kong Jasmine Lyngdoh lem bad ki nongkitkam ka National People’s Youth Front (NPYF) bad NPP Women’s Wing.
U bah Ransom Sutnga haba kren ha kane ka sngi u la kyntu ia ki seng longkmie, ki seng samla jong ka NPP ba kidei ban trei shitom naka bynta ban pynthikna ba ka party kan ioh ka jingjop na ka bynta ban wanrah ka jingkylla hapoh ka konstitwensi baroh kawei.
U bah Ransom u la ong ba ka thong jong u ban iakhun iaka ilekshon kadei naka bynta ban shakri iaki paidbah ka thain da ka ba kyntiew iaki kam pynroi khamtam naka bynta ki khun samla jong ka konstitwensi baroh kawei.
