Shillong, Nailar 01: Mynta ka sngi u nongbishar ba rangbah jong ka iing bishar High Court jong ka jylla Meghalaya u Justice Sanjib Banerjee u la pynsmai ia u justice Biswadeep Bhattacharjee kum u nongbishar ka High Court ka jylla Meghalaya.
U nongbishar Biswadeep Bhattacharjee la kha ia u ha ka 26th Lber 1968 ha kane ka nongbah Shillong bad u la pyndep ia ka jingpule L.L.B na ka skul bah North Eastern Hill University, Shillong.
U nongbishar Biswadeep u la sdang ban trei ia kam muktiar ha u Nailur 1993, shuwa ban shah kyntiew kyrdan u la trei kum u Additional Advocate General ka jylla Meghalaya naduh u Nailur 2018 bad ha ka jigntreikam jong u la ithuh ia u kum u muktiar bala rangbah hapoh ka High Court ka jylla Meghalaya.