Shillong, Naiwieng 26: U Myntri Khynnah ka sorkar pdeng ba dei peit ia ki rit paid ka Ri India u John Barla ha ka jignwan jong u sha Shillong, u la leit ban jngoh ia ka Dr H Gordon Robert Hospital ryngkat ba ki nongialam ka BJP na kane ka jylla Meghalaya.
Ha kane ka jingleit sha Dr. H Gordon Robert Hospital la synrlang ia u myntri ka sorkar pdeng da ki dkhot ka party BJP, u bah Michael Kharsyntiew uba pan tiket MLA na ka 17-North Shillong Konstitwensi , u bah general secretary ka jylla Meghalaya u bah Clarence Nongbet, State Vice President bag David Kharsati bad kiwei.
Ha kane ka jingleit sha katei ka Hopsital u myntri ka sorkar pdeng la pdiang burom ia u da u Medical superintendent u Dr Nongrum, u Reverend Pastor SS Majaw Chairman jong shongknor ka Kommittee ba dei peit ka Hospital bad u ophisar ba dei pet ia ka jingpyniaid ia ka hospital u bah K W Marbaniang bad kiwei ki ia don lang.
U Myntri Khynnah ka sorkar pdeng u la ai khublei kyrpang ba kane ka hospital ha ka ai ka jingiaroh ba kala ai ka jingshakri sha ki paidbah mynta la shispah snem ha ka liang ka koit ka khiah ha kane ka thain shatei lam mih ha kito ki por bad mynta ia ka jylla Meghalaya.
U bah Michael Kharsyntiew u la pynsngew sha u myntri ka sorkar pdeng ia ka jingdon kam kiba bun jong kane ka hospital bad mynta ka don ka jingpynkhreh ban shna shuh shuh ia ka iing ban kham pynneh ia ka jingsumar hapoh katei ka Hospital.
Kane ka iing kan kot sha ka T.53 klur la kyntu ia u myntri ba peit lem ia kane ka jingdon kam na ka bynta ka jingmyntoi ki paidbah kane ka jylla. Ha kane ka sngi la ai sha u myntri ka sorkar pdeng ia ki jingdro bad ki jingbatai da ki bor ba pyniaid ia ka hospital.
