Shillong, Rymphang 23: U Myntri Rangbah ka jylla u Conrad K Sangma haba kren ha ki lat pathai khubor mynta ka sngi la ong ba kane ka jngiakynduh ia ki seng bhalang bad a ki khlieh nongsynshar ka long ban iathuh sha ki ia kaei kaba ka sorkar ka leh ha kane ka jingiakren pynbeit pud bad ka jylla Assam ha ki hynriew tylli ki jaka kaba ki la pyndep ban ia kren.
U Mytnri rangbah ka jylla u la ong ba wat la ka sorkar kam shym lah ban ai ia ka kaiphot sha ki seng bhalang bad ki khlieh nongsynshar shnong hyrnei la pulr lut ia kaei kaba la ia kren bad ia ki jaka kiba ha kito ki hynriew tylli kiba don ka jingiakam mar kylliang.
Kum ki jaka ha Terbari, Hahim, Pilangata, Khanapara, ha kane ka jingialang la pynsngew don na ki seng bhalang kila pynpaw ia ka jingsngew jong ki bad ki don kiba la ai jingmut bad kila pynpaw ba ki angnud ba dei ban shim lang ia ka jingsngew ki briew ba sah ha khappud.
Ha kane ka jingialang ki seng bhalang baroh kila pynpaw ba ka por ka la dei ban leh ei ei ban weng ia kane ka jingeh bad na ka liang ka sorkar ruh kala ong ba kan nym don kata ka jinglah ban pynbeit kaba biang 100% kan don ki jingduna hynrei kin pyrshang khlem da klet ia ki paidbah ban weng ia kane ka jingeh.
U Myntri rangbah la ong ba ha kaba ia dei bad kane ka jingiakren na ka liang jong ka sorkar kala ia kren ruh bad ki MLA, kum ki seng bhalag ruh ki don ka jingsngewkhai ia kane bad dei na kane ka daw ka sorkar ka seng ba dei ban pynsngews sha ki paidbah ia kaei kaba ka sorkar ka leh.
Ha dien ba la ia pynbeit ka sorkar pdeng kala bthah ia ka Survey jong ka Ri India ban ia leit jurip lang ha pdeng ka sorkar Assam bad ka sorkar Meghalaya ban peit khnang ban lah ban buh dak ia u pud u sam ha pdeng ka Assam bad Meghalaya. Kane kam kham shimpor hynrei kin ialeh ban pynbeit ia kane ka jingeh.
