Shillong, Naitung 27: Ki nongtrei ASHA jong ka Umden PHC mynta ka sngi kila pynlong ia ka jingpynsngewthu
h paidbah ha Iew Umden halor kane ka khlam COVID-19 da kaba batai ba kumno ban iada na ka jingsaphriang kane ka jingpang bad ban iada ia lade.
Ha ka jingkren jong ka kong Mery June Myrsing kala pynsngew ba ka long kaei kaei kaba sngewsih ban iohi ba ki briew kim bud ia ka jingbthah jong ka sorkar ha kaba ia dei bad jingpynia jngai iwei na iwei ban iada ia kane ka COVID-19.
La batai na ka liang jong ka Meghalaya Rural Bank ha kala buh dak ban ia ieng ha kaba pynia jngai iwei na iwei hynrei ki paidbah ki ia lymbrum khlem da sngap ia ka jingbthah kane ka jingleh ka buh jingiama ia lade bad kumjuh ia kiwei dei.
La ong ba dei ban sngewthuh ba ki nongtrei jong ka Bank ruh ki dei ki briew ki don kam ia ka jingiada bad kane ka long kum juh ia ki paidbah kiba leit ban don kam kumta don kam ban ia phikir mar kylliang.
Ha ka jingkren la pynsngewthuh ia ki paidbah ba kim dei ban biah pathar ha ki lynti syngkieng namar kane ka long kaba ma tam haba ki briew ki iaid ki ioh ban iuh bad kane ka rah kumta la kyntu ia ki paidbah ban nym biah pathar ha ki jaka paidbah bad ba kin long kiba leh khuid.
Ha ka jingkren ka kong Therisia Lyngdoh kaba dei ka president jong ka Umden PHC ASHA wokers kala ong ba dei ban long kiba phir ban nym ia shang makia ban ban ia lum briew bad da kaba deng ia ki mask haba leit sha ki jaka paidbah.
La kyntu ia ki paidbah ba kin ia bud ryntih ia ki jingbthah ban lait na kane ka jingpang namar la iohi ba lada jia ei ei kan wanrah ia ka jingeh ha ki shnong ki thaw kum ba la dep jia ha kine ki sngi kiba la dep, ban lait na kane ka jingpang la kyntu ban ia bud ia ki jingbthah ka tnad ka koit ka khiah.
