Shillong, Kyllalyngkot 30: Ka ophis jong u Commissioner bad Secretary jong ka Meghalaya Legislative Assembly mynta ka sngi kala pyntip ba la pynkynriah ia ka jingialang jong ka Business Advisory Committee (BAC) na ka 2 tarik sha ka 1 tarik jong u bnai Rymphang 2024.
Kane ka jingialang jong ka BAC kan long ban ia kren ha kaba ia dei bad ka dorbar mang tyngka ka ban sdang ha ka 16th Rymphang 2024 na ka bynta u snem mang tyngka 2024-2025, ka jingialang kan long ha ka por 4.30 baje noh phai sngi.
Ia kane ka jingkynkylla ia ka tarik shong jingialang ka BAC la phah jingtip ruh sha u bah Prestone Tynsong ba dei peit ia ka tnad Parliamentary Affair, sha u bah Ronnie V Lyngdoh nongialam ka liang pyrshah, bah Charles Pyngrope MLA ka TMC, bah Lahkmen Rymbui MLA ka UDP.
