Shillong, Rymphang 02: Mynta ka sngi ka ophis jong ka Meghalaya Legislative Assembly kala pyntip sha ka Election Commission jong ka Ri India (ECI) halor ka jingkhlad noh jong u bah David A Nongrum MLA jong ka 13;Mawryngkneng (ST) Assembly Constituency.
Ha kane ka jingpynbna na ka ophis jong ka Meghalaya Legislative Assembly, la ong ba kane ka long ka jingpyntip ba ka kam nongmih khmat napoh ka 13-Mawrygnkneng (ST) Assembly Constituency kala thylli na ka daw jong ka jingkhlad noh u bah David A Nongrum MLA mynta ka sngi.
Ia kane ka jingpynbna kaba la pynmih mynta ka sngi kaba la soi da u Dr. Andrew Simons, commissioner and secretary Meghalaya Legislative Assembly, ia kaba la phah kotpi sha u Chief Election Commissioner, Election Commission jong ka Ri India bad sha u Chief Electoral Officer, Meghalaya.
