Shillong, Jymmang 30: Ka tnad ri mrad jong ka sorkar mynta ka sngi kala pyntip na ka kaiphot kaba la ioh ha ka 28/5/2023 ha dein ba la phah sha ka National Institute of High Security Animal Disease (NIHSAD) Bhopal halor ka jingiap ki masi ha kane ka jylla.
Katkum katei ka kaiphot kaba la ioh ka long ba ka jingshitom jong ki masi kaba la tip kum ka Lumpy Skin Disease (LSD), ia ka jingphah ban peit bniah sha ka National Institute of High Security Animal Disease (NIHSAD) Bhopal la phah ha ka 12/5/2023 bad ia ka kaiphot la ioh ha ka 28/5/2023.
Ban ia da na ka jingsaphriang kane ka jingpang ki masi ka sorkar kala pynjari ia ka shnong Sumer, Mawlyngkhung, Umpyrdong-Umden, Umkon-Umden, Saiden-Nongpoh and Jyntru-Nongpoh kiba hap hapoh jong ka Umsning C&RD Block ha Ri-Bhoi District bad ka shnong Rangthong kaba hap hapoh ka Mawkyrwat C&RD Block ha South West Khasi Hills District kum ki shnong ba ki masi ki shah ktah ha kane ka jingpang Lumpy Skin Disease (LSD) ha ki masi.
Ia kane la pyntip da u secretary jong ka sorkar Meghalaya ba dei peit ia ka tnad Ri mrad jong ka sorkar mynta ka sngi.
