Namar lyngba kine ki dohkha dohpnat kiba don ha kane ka wah ki paid nongshong shnong ki ioh ban leit khwai man ka sngi, ba ki ioh ban bam bad ki ioh ruh ban die ban pyndap ia ka jingdonkam jong ki ha ki ing ki sem.
Kum ka seng ia ka seng Elaka Satpator Fishing and Environmental protection association ba la seng da kine ki hynñiew bad phra tylli ki shnong ban iada ia kane ka wah ban lait na ka jingpyniap pathar bad jingpyniap dusmon ia ki dohkha dohpnat, da kaba ai bi., tongjar bad datding.
Naka liang ka seng ka pynpaw ka jingsngewkmen ba haka shithi No. JHADC/MACF/11/2017/2/ ka tarik, Jowai, u Nailur 2017, ka jingpynbna ba la pynmih da ka JHADC na ka bynta ban pynneh pynsah ia ki dohum dohwah ha ki wahbah wahrit, ka ai mynsiem shikatdei eh ia ngi ka seng.
Hynrei kum ka seng ki sngew lyngngoh pat ba mynta u snem ba ka council JHADC ka la khot tender biang ban die lilam ia kine ki dohkha kiba don ha kane ka wah Lakroh, haka Letter No. JHADC/ MASF/M/10/2013/236, Dated Jowai, The 25th sept, 2024.
Na ka liang jong ka seng ka pyrshah jur iaka jingleh jong ka district council (JHADC) Ban pynjot biang ia kine ki dohum ki dohwah. kumta ka seng ka khot ka wer lang ia ki paid nongshong shnong ban iatreilang ban wanrah ka jingmyntoi ia u babun balang, khamtamu rit u ria, u duk u kyrduh, namar lada die ia ka wah kin ioh ban bam pahuh tang uwei, ar tang kiba biang ka lakh ka klur jong ki.
Khatduh khatwai na ka liang ka seng, lada don mano mano kiba thied ia kane ka wah kin pyrshah ym tang mynta bad nangne sha khmat bad kim lah ruh ban bah khlieh lada jia ei ei ia ki.
