Shillong, Naiwieng 17: Mynta ka sngi kiba trei ia ka kam ASHA kila pynlong ia ka jingiaid paidbah ha nongbah Shillong ha kaba da ki hajar ngut kila ia mih ban ia iaid paidbah ban dawa na ka sorkar ban pynkiew ia ka bai trei jong ki kaba kila dawa mynta la slem.
Ia ka jingiaid aidbah ha Shillong mynta ka sngi la khot da ki ASHA kiba tei ha East Khasi Hills kaba kila ai kyrteng East Khasi Hills District ASHA Association hapoh jong ka lama jong ka Meghalaya ASHA Workers Union, ia kum kane ka jingiaid paidbah la sdang na Nongstoin bud sa ha Jowai bad mynta kila pynkut ha Shillong.
Ha kane ka jingiaid paidbah kila I pyrta ba ki nongtrei ASHA kim lah shuh ban trei kam mon sngewbha, ki don la ki iing ki sam ban pyndap pynbiang, kila ia pyrta ba ka sorkar ka dei ban pynkiew noh ia ka jingsiew ia ki ASHA hapoh ka jylla Meghalaya.
Ha kane ka jingiaid paidbah kila iaid na jan iing jong u Lat ka jylla bad la ia lam ia ki da ki pulit ban iaid lyngba ka Lower Lachumier bad pynpoi sha Madan Malki, ha kane ka jingiaid paidbah kiba la iapoi ki long palat hajar ngut ban ia shim bynta bad kila rah ruh iaki plakard ban pynrem ia ka jingkren ka myntri ka tnad ka koit ka khiah pyrshah iaki.
Ia kane ka jingiaid paidbah la ialam da ka president ka seng ka kong M. June Myrsing kane ka jingiaid paidbah mynta ka sngi ka long ban pynpaw sha ka sorkar ba ki kwah ba ka sorkar kan sngewthuh ia ka jingdawa jong ki, la shai ka sngi kin shong ia ka jingialang ban shim ia ki rai ban dang bteng ia ka jingiakhih.
