Shillong, Jymmang 24: Ka lympung ialeh kai State Level Inter School Athletic Meet 2024 ia ka ba la pyniaid da ka tnad Ialeh kai ka Sorkar Jylla mynta ka sngi ka 24 tarik u Jymmang 2024 ka la poi sha ka ba kut ha ka ba ka East Khasi Hills District ka la ioh ban rah ia ka nam lahduh da kaba ka la ioh ban khur haduh 21 tykki ki takma ki ba kynthup ia 12 tylli ki takma ksiar, 6 tylli ki takma rupa bad 3 tylli ki takma rynnong.
Ia kane ka lympung la wan ban pynhap pyrdanoh da ka Kong M War nongbri IAS, Secretary Revenue& Disaster Department ka ba dei ruh ka President jong ka Archry Association of Meghalaya kum ka Kongsan ha ryngkat ka jingiadon lang u bah John F Kharshiing u ba dei u Working President jong ka Meghalaya State Olympic Association bad kum juhruh u secretary u bah Finely Pariat, u nong ialehkai Olympic ba rim ka Austrlia u Ian Camble ka sports officer ka kong Darly Khonglam ki DSO jong ki District bapher bapher jong ka Jylla bad ki Khynnah skul.
Ha ba ai jingkren kum ka kongsan na ka liang ka kong M War nongbri ka la ong ba kane ka dei kawei na ki lympung ka ba ki nongialeh kai sport ki phaikhmat.
Ka la ongruh ba na ka liang ka sport departments ka pynlong kum ia kine ki lympung ha ka ban kyntiew ia ka kam ialeh kai na ka bynta ki khynnah khamtam ban don ia ka mynsiem ia khun ha ka ba kan lah ban sei ia ki khynnah donsap ha ka liang kasports khamtam eh naduh ki grassroots level.
Ka la kyntu ruh ia ki khynnah ba kin pyndon kam hok ia ka sap jongki khamtam ia ki jinghikai ba ki la ioh ha ka liang ka sports khnang ba kin lah ban kiew.
Ia ka nam lah duh ha ka liang ki kynthei la rah da Ka East Khasi Hills kaba la khur 14 tylli ki takma ki ba kynthup ia 8 tylli ki takma ksiar, 4 tylli ki takma rupa bad 2 tylli ki takma rynnong kat ba ka West Jaintia Hills kalawan ba Ar da ka ba khur 14 tylli ki takma 5 tylli kim takma ksiar, 4 tylli ki takma rupa bad 5 tylli ki takma rynnong.
Ia ka nam lahduh ha ka liang ki shynrang la rah da ka East Jaintia Hills kaba la khur 15 tylli ki takma ki ba kynthup ia 7 tylli ki takma ksiar, kawei ka takma rupa bad 7 tylli ki takma rynnong. Kat ba ka West Jaintia Hills ka la khur 14 tylli ki takma ki ba kynthup ia 4 tylli ki takma ksiar, 8 tylli ki takma rupa bad ar tylli ki takma rynnong.
Ia ka nam Best Athlete ha ka under-14 la khur da ka Amandi Rumnong na East Khasi Hills bad u Rikanku D Sangma na South Garo Hills. Ha ka Underr-16, la khur da ka Sibilda Maring na Ri Bhoi bad u Saidul Ali na East Jaintia Hills. katba ha ka Under-18 ki Kynthei la khur da ka Eliciana Lyngdoh na East Khasi Hills, shynrang da u Henry Yoga A Sangma na East Khasi Hills.
