Shillong, Lber 20: Ka tnad ialehkai jong ka skul bah NEHU kala pynlong ia ka jingiakop mareh ia kaba la tip kum ka “1st NEHU Half Marathon 2021 & Fun Run” ia kaba la pynlong ia kane ka jingmareh hapoh ka jaka jong katei ka skul bah ia kane ka jingiamareh la ia treilang bad ka SBI, NEHU.
Ia kane ka jingiamareh la khaweh lama da u Pro Vice Chancellor u Dr Henry Lamin bad ia ka jingiakop mareh la pynkut da kaba sam ia ki khusnam sha ki nongjop da u VC u Prof S K Srivastava ha kaba u nongpeit ba ha khliehd ka SBI u Anindya. Deb u la ia don lang bad u Prof S Umdor ba dei peit ia ka tnad ialehkai kila don lang ha ka por sam khusnam.
Ha ka jingiamareh “Half Marathon 2021” ia ki kynthei, ia ka nam lahduh na ki kynthei la rah da ka samla Kyntimon Marwein, wan ba ar ka samla Claire Jones Kharbih bad kaba lai la rah da ka samla Darishisha Iangjuh.
Na ka liang jong ki shynrang ha kane ka jingiamareh “Hald Marathon 2021” iaka nam lah duh la rah da u samla Kressterjune Pathawm bala wan ba ar dei u samla Hepstarly Lyngkhoi bad ba lai la rah da u Daniel Lyngdoh Wahlang.
Ha ka jingiakop ia mareh ban byrngia, iaka nam lah duh la rah da ka samla Didakamiwan Khonglah, kaba la wan ba ar dei ka samla Sumitra Bhattarai bad ia ka nam ba lai la rah da ka samla Sanhika Umdor.
Katba ha ka jingiakop mareh ban byrngia na ka liang jong ki shynrang, ia ka nam lahduh la rah da u samla Dapmain Rani, ba wan ba ar dei u samla Dr. Atul Kumar bad balai rah da u Alo Rabha.
