Rah plakard ka COMSO ha ka jingwan u myntri ka sorkar pdeng ha ICAR ban dawa ILP

Shillong, Rymphang 19: Mynta ka sngi ka Confederation of Meghalaya Social Organisation (COMSO) kala leit rah plakard ha ka jingwan jong u myntri khynnah ka sorkar pdeng u Parshottam Rupala ha ICAR ha Umiam jong ka Ri Bhoi District.

Kane ka jingleit rah ia ki plakard  ka long ban pynkynmaw ia u myntri ba ka sorkar Jylla ka la mynjur da ka rai jong ka iing dorbar thawain ka jylla ban pyntreikam noh ia ka ILP ha ka jylla hynrei ka sorkar kmie kam pat Shem la leh eiei halor kane ka jingdawa ki paidbah ka jylla Meghalaya ban pyntrei kam ia ka Inner Line Permit .

Ha ka kyrwoh kaba la phah da u Bah Bandari ryntathiang nongiakam ka COMSO, u la ong ba “Ngi pdiang sngewbha , ngi sngewnguh bad ngi khublei ia ka Jing wanrah Jong ki tnad sorkar ia ki lad pynroi , ngi kyntu ba kin wan rah shuh shuh ki scheme pynroi ha ka jylla”.

Hynrei ka sorkar India ka dei ruh ban shim khia ba kin ai ia ngi ia ka hok Jong ngi ka ILP ba ngin ioh ban iada ia lade na ka jingshah tyllep noh ha ki poiwir ha la ka Jong ka Bri bad ka Jylla.

Na ka liang ka COMSO ka  dawa ia ka tnad ka home ministry bad ia u Amit Shah ba u dei ban mynjur ia ka jingpyntrei kam ia ka ILP ha ka jylla Jong ngi. Ka ILP ka dei ka hok Jong ngi, ai noh ha ia ka jylla Meghalaya ia ka hok .