Shillong, Jylliew 28: Ki pulit jong ka West Jiantia Hills District kila ioh ia ka jingujor ba u ha ka sngi ba ar jong mynta u bnai u Shinningstar Pala 19 snem na ka shnong Wahiajer u la rah bor ia la u jong u kynum ba dang 9 snem na ka shnong Umjalasiaw. Kiba ha iing ha sem kila ujor sha ki pulit jong ka Saitsama police outpost ha ka sngi Balang.
Ia une u khynnah ba dang 9 snem la kit sha ki bynta jong ka Karbi Anglong jong ka jylla Assam. Kiba ha iing kila kynnoh ba ia kane ka kam rah bor la leh da u Shiningstar Pala bad u Pynchemi Phawa 26 snem jong ka shnong Wahiajer u ba niah Tourist Taxi bad ka kali number ML04 C 4532. Ia kine ki ar ngut la kem ha ka sngi Balang.
Kine ki runar ha dien ba kila don ha ka kti jong ki pulit mynta ka sngi kila ialam ia ki pulit sha ka jaka ba kila pyniap ia une u khynnah 9 snem sha ka shnong Laher kaba don ha West Karbi Anglong ha kaba la ioh ban tam ia ka met jong u khynnah bad la ioh ruh ban kurup ia ka tarik kaba ki pyndon kam ha kane ka jingpyniap briew.
Na ka liang jong ki pulit kila ong ba u Shiningstar u dei u briew u la don kti ha kiba bun ki kam sniew bad u ne u khynnah u ba la shah pyniap u dei u para jong ka lok ba rim ka jong u ka jingiakajia ka long bad ka lok ba rim jong u. Na ka liang jong ki pulit kila sdang ia ka jingtohkit ha kaba ia dei bad kane ka jingjia bad la register mukot duma pyrshah ia u hapoh ki kyndon ain No. 25(6)2018 U/S 364/302/34 IPC jong ka Nartiang Police station.
