Shillong, Risaw 18 : Ka jingialang jong ka Kabinet kaba la long mynta ka sngi kala shim ia ka rai ban mang pisa ia baroh ki District ha ka jylla ban pyntrei kam iaka ka Meghalaya Residents Safety and Security Act, 2016.Ka jing mang pisa kan long mar ar lak tyngka ia ki District Task Force (DTF).
Haba kren ha ki lat pathai khubor ka Dr. Ampareen Lyngdoh myntri ka tnad ain bad ka koit ka khiah kala ong ba ka sorkar kala shim ia kane ka rai ka long ban pyntrei kam ia ka MRSSA 2016 ha ka jylla.
Ka sorkar kan phah sha baroh ki Deputy Commissioner ar lak tyngka ban pyntrei kam ia ka District Task Force, namar ki hap ban ia treilang bad ki bor shnong ban peit peit lem ia ka jingwan jong ki briew na shabar ka jylla.
U Secretary ba khmih ia ka tnad Ain bad Parliamentary Affairs Bah Cyril Diengdoh ula ong ba ki DTF ki dei kiba la aibor ban leit pynshisha ia ki nongshongwai kat kum ki kyndon jong ka MRSSA.
Ha kane ka jingialang la iakren ban don noh iaka ain ha ka jylla ban ailad ia ka UTSM ba kan ioh ban sdang noh ia ka PA Sangma Medical College and Hospital ha kaba ka kabinet kan dang ia kynduh biang ban ia kren iak ane ka phang.
