Shillong, Nohprah 02: Ka jingialang jong ka kabinet kaba la long mynta ka sngi ka kabinet kala pdiang ia ka jingtruwa ka tnad bat khyndew jong ka sorkar jylla ban pynjlan ia ka por awai ia ki jaka sorkar sha ka 60 snem na ki riewshimet ban seng kam.
Haba kren ha ki lat pathai khubor ha dien ka jingialang u bah Paul Lyngdoh myntri ba ei peit ia ki kam jngohkai pyrthei la ong ba ka kabinet kala shim ia ka rai ban pynjlan ia k por aiwai ia ki jaka sorkar sha ka 60 snem sha ki riewshimet ban sdang ia ki kam pynroi.
U Bah Paul la iathuh ba baroh shikatta ka jingaiwai ia ki jaka sorkar sha ki riew shimet ka long na ka bynta 30 snem, hynrei namar ba ki don ki jingtei kiba la kot da ki shpah spah klur ki riew shimet kim treh ban wan seng kam lada ka dei tang 30 snem dei halor kane la pynjlan ia ka jingaiwai sha ka 60 snem.
U myntri la ong ba lada ka por 60 snem kala kut, kito kiba shimwai ki dang lah ban pan shuh ia ka por ban pynjlan bad ka sorkar kan ai sa 30 snem ka jingpynjlan ia ka por kaba mut baroh kan kit sha ka 90 snem lada kidang pan biang ia kane hap rah sha ka kabinet.
Ha kane ka sngi ka kabint kala mynjur ruh ban thung ia u bah Makbull Lyngdoh Suiam bala shongthiat na ka kam kum u MAS ban long kum u Chief Administrative Officer na ka bynta ka Meghalaya Natural Anorganic Farming Society for Livelihood and Inovation in Agriculture (MNAFSLIA).
Kawei pat ka rai ka dei ka jingthung ha ka kam Registrar ban long ruh Secretary ka Meghalaya State Consumer Dispute Redressal Commission ha kaba la mynjur ia ka kyrteng jong ka kong Susan D Ritshong bala shong thait na ka kam MSS.
