Shillong, Risaw 23: Ka jingialang jong ka kabinet kaba la long mynta ka sngi ha Resubelpara kala shim ia ka rai ban wanrah ia ka “Meghalaya Private Medical Institute Regulation of Admission Fixation of Fees and Reservation Ordinance 2024” bad ka the “ Meghalaya Medical College Regulation and Admission in MMBS Course 2024”.
Ka Dr. Ampareen Lyngdoh myntri ba dei peit ia ka tnad ka koit ka khiah haba kren ha ki lat pathai khubor la ong ba ka kabinet kan sa ia kynduh biang ban thaw ia ka bor ban pynpeit bniah bad ban pyniaid ryntih “Regulatory Body”.
Ha kane ka jingialang mynta ka sngi la kabinet kala shim ruh ia ka rai haba ia dei bad ka rukom ai iing sah ia ki nongtrei sorkar ha ki iing sorkar ha kaba ia dei bad ka jingaiwai ia ki iing sorkar sha ki nongtrei sorkar kaba la wan rah da ka tnad GAD.
Mynta ka tnad shna iing jong ka sorkar kala rai ban shimti noh ia ki iing ban pynshongdor thymmai ki iing ki sem jong ki, ha kaba kila buh ia ki kamra na ka bynta ki briew jong ka sorkar haba ka ai wai. Hynrei kumba ka long mynta kam don kano kano ka rule lada kim siew ruh ym lah leh ei ei.
Ka Kabinet kala shim ia rai ban pynjlan ia ka rta jong ki nonghikai SSA ban thungkam ha ki kam hikai jong ka UP bad LP skul lane ha ki Secondary lane Higher Secondary ba kin lah ban thep kam la pynjlan sha ka rta 45 snem. Da kane ka rai ki nonghikai SSA ki lah ban thep kamhikai haduh ka rta 45 snem
