Rai ka Kabinet ban pynkiew ia ka pla pisa ka sorkar namar ka election

Shillong, Kyllalyngot 28: Ka cabinet kaba la long mynta ka sngi ka la shim ia ka rai ban pynkiew ia ka pla pisa jong ka sorkar jylla khnang ba ka jingtrei kam jong kit and sorkar bapher bapher hapoh kane ka election kan nym don kano kano ka jingdkhoh hapdeng ba ka jylla ka dang iaid ha ka election.

Ka jingshim ia kane ka rai ka long namar ba ka iing dorbar thawian jong ka jylla kan nym don ia ka jingiashong dorbar tand haduh ban da dep ka election. Ia kane ka pisa kaba la pynkiew da ka cabinet hap pat ban pynbeit da ka iing dorbar ha ka dur jong ka jingpan pisa kaba kyrpang.

Kumba ka long mynta ka iing dorbar thawain jong ka jylla ka la pynlait pisa tang T.3535 klur katba ka planning commission ka la shim ia ka rai ba kan ai haduh T.3939 klur. Da kane ka jingle kano kano ka tnad sorkar kaba don kam pisa ka lah shim na kane ka pisa kaba don ha ka jingpynkiew kaba kyrpang.

Na ka liang jong ka tnad sorkar ka ba dei peit ia ka pla pisa jong ka sorkar ka sngew ba ia kane don kam ban leh namar ioh ka mih kano kano ka jingduna pisa ha pdeng ka election kan ktah ia ka jingtrei kam jong ki tnad sorkar. Kumba ka long mynta ka la dep don ka pisa T.105 klur hynrei kane kan nym biang.(SP News)