Shillong, Nailar 25: Mynta ka sngi ka jingialang ka Kabinet kala rai ban thung ia ka kong Ripnar Lyngdoh IAS bala shong thait kum ka State Information Commissioner ban long ka Meghalaya State Information Commission.
Ha kane ka sngi la pdiang ruh ia ka kyrteng jong u C. P Marak IFS bala shong thait ban thung ia u kum u Executive Chairman jong ka Meghalaya Board of School Education na ka bynta 12 bnai.
Kawei pat ka rai kaba la pdiang hapoh jong ka kabinet mynta ka sngi ka long ban thung secretary ba pura hapoh jong ka Meghalaya State Council jong ka Technical Education namar Polytechnics ha Sillong, Tura bad Jowai kiba don mynta bad ki ban dang mih thymmai sa saw tylli kumta la don kam secretary ba pura bad ka Additional Director jong ka DHTE ka A. Ali kan long ka secretary ba pura na ka bynta 24 bnai.
Ka jingialang ka Kabinet mynta ka sngi kala pdiang rai jong ka kabinet ban long ha ka dur jong ka bill ban pynkylla ia ka kyrteng jong ka “Captain Williamson Sangma Technical University” sha ka “ Captain Williamson Sangma State University”. Ia kane la iathuh da ka myntri ka tnad ka koit ka khiah ka Dr. Ampareen Lyngdoh ha dien ka jingialang jong ka kabinet.
