Shillong, Naitung 26: Ka dorbar shnong Nongjri kaba hap hapoh jong ka Ranikor Cicil Sub Division ha South West Khasi hills District kala shim ia ka rai ban nym shah shuh ban ia rung ia mih ki briew hapoh ka shnong naduh la shai ka sngi haduh ka 2nd Nailar 2020 bad ia ka iew ruh yn khang haduh katei ka sngi.
U Bah Myghter Marwein rangbah shnong ka shnong Nongjri u la pyntip ba ia kane ka rai la shim kyrkieh ban nym shah ia ki briew ban ia rung hapoh ka shnong Nongjri haduh ka 2nd Nailar 2020 ka long ban iada na ka jingsaphriang sted u khniang jingpang COVID-19 ha kane ka jylla.
Na ka liang jong u rangbah shnong u la pynbna ba ka iew Nongjri ruh kan khang bay n nym shah ia ki kali ban rung hapoh ka shnong, baroh ki dukan kiba don hapoh shnong ruh kin khang naduh la shai ka sngi, la leh ia kane ban pynthikna ba u khniang jingpang umd ei ban ioh rung hapoh ka shnong Nongjri.
La ong ba ka iew Nongjri ka dei kaba juh long man ka sngi saitjian ha kaba ki briew na kylleng, kham tam na Shillong ki juh leit sha katei ka iew, hynrei la iohi ba kane ka jingpang kala pur sted haduh katta katta ban iada na kane ka jingpang ka shnong kala shim ia kane ka rai ban khang noh naduh la shai ka sngi haduh ka 2nd Nailar 2020, la ong u bah Myghter Marwein Rangbah shnong.
