Shillong, Jymmang 27: U Symbut Myntri Rangbah ka jylla u bah Prestone Tynsong mynta ka sngi u la pyntip ba ka sorkar kala shim ia ka rai ban pynkiew ia ka bai sumar ia kiba pang COVID-19 sha ka T. 60000/- tyngka lyngba ka kard Meghalaya Health Insurance Scheme (MHIS).
Haba kren ha ki lat pathai khubor u bah Prestone u la iathuh ha ka jingialang ka ba la long mynta ka sngi ka sokar kala shim ia ka rai ban pynkiew sha ka T. 60000/- ia kiba shah sumar pang COVID-19, la iathuh ba mynshuwa ka jingsiew na ka MHIS ka long tang T. 4900 /- tyngks ha ka shi sngi.
U Symbut myntri rangbah u la pynpaw ia ka jingsngewsih ba kiba la register hapoh ka MHIS mynta ka long tang 58.2 % , u myntri rangbah u kyntu ia ki paidbah ba kin pynrung kyteng ia lade ha kane ka skhim jong ka sorkar bad ki dei ban pynthymmai man la u snem.
U Director ka tnad ka koit ka khiah u la pynshai ba ka MHIS ka trei kam tang naduh ka sngi bala register, na ka liang jong ka MHIS ka kyntu ia ki paidbah ban wan sha khmat da ka ba wanrah ia ka EPIC the vote ban peit la ki dei hok ne em ban ioh rung ha ka MHIS.
