New Delhi, Sept 13: Ka Sorkar ka la rai ban pynkylla ia ka kyrteng jong ka nongbah jong ka Andaman and Nicobar Islands Port Blair sha ka “Sri VijayaPuram”. Ia kane la pynbna da u Myntri Sorkar Pdeng ba dei khmih ia ki tnad Kam Pohiing bad Cooperation, Amit Shah, Ha ka post ha ka ‘X’,.
U Myntri Kam Pohiing u la ong ba da kaba ioh mynsiem na ka jingthmu jong u Myntri Rangbah Duh, Narendra Modi, ban pyllait ia ka ri na ki dak ki shin jong ki nongsynsharmynder, mynta ngi la rai ban pynkylla kyrteng ia ka Port Blair sha ka “Sri VijayaPuram”.
U Myntri u la ong ba katba ka kyrteng ba rim ka don ki dak ki shin jong ki nongsynsharmynder, ka Sri VijayaPuram ka dei ka dak jong ka jingjop ha ka jingiakhih na ka bynta ka jinglaitluid bad ka bynta kaba kyrpang jong ka A&N Islands ha kane ka kam.
U la ong ba ka Andaman bad Nicobar Islands ka la don ka bynta kaba khraw ha ka jingiakhih jong ngi na ka bynta ka jinglaitluid. Kane ka jaka dewlynnong kaba ju long teng ka jaka Pdeng jong ki kam jhad jong ka HimaChola mynta ka don ka lad ban long ka jaka Pdeng na ka bynta ki kam kiba kongsan jong ka ri.
U Shah u la ong ruh ba ka dei kane ka jaka ha kaba la pynhernyngkong ia ka lama jong ka ri jong ngi da u NetajiSubhash Chandra Bose bad ruh ha ka patok cellular jail ha kaba u Veer Savarkar bad kiwei kiwei ki nongiakhih ki la iakhun na ka bynta ka ri kaba la ioh ia ka jinglaitluid.
