New Delhi, Lber 25: Namar ki sienjam ba seisoh ba la shim da ka Sorkar Pdeng hapoh ka jingialam jong u Myntri Rangbah Duh, u Narendra Modi, ka la don ka jingkiew ha ka shongsuk shongsain ha ki jylla ka thain shateilammihngi bad ka jingstet ka roi ka par ka la kiew.
Haba ianujor bad u snem 2014, ka la don ka jingduna kaba 76% ha ki kam pyntriemha u snem 2022. Kumjuh, ka jingduh jingim ki kynhun pahara bad ki riew shimet ka la hiar da 90% bad 97% ha kane ka por.
Lyngba ki sienjam jong ka Sorkar Pdeng hapoh ka jingialam jong u Myntri Rangbah Duh, u Narendra Modi, ka la don ka jingbha bym pat juiohi ha ka shongsukshongain ha ka thain shateilammihngi, bad ha ka sienjam kaba kyrpang, hadien ki phew phew snem, ka Sorkar India naduh u Iaiong 2022, ka la pynrit ia ki jaka hapoh ka Armed Forces Special Powers Act (AFSPA) ha Nagaland, Assam bad Manipur.
Ha kawei pat ka rai kaba donkam mynta ka sngi, sashisien naduh ka 1 tarik u Iaiong, 2023, ki jaka ba ithuh ba bun ki jingkulmar hapoh ka AFSPA ha kine lai tylli ki jylla ki dei kiba la kham pynrit. U Myntri Sorkar Pdeng ba dei khmih ia ka tnat Kam Pohiing, u Amit Shah u la ong ba kane ka rai ka dei kaba la shim namar ka jingkiew ka shongsukshongsain ha ka thain shatei lam mihngi.
Da kaba peit bniah ia ka jingshngain, ka jingiasuk bad ka roi ka par jong ka thain shateilammihngi ka dei kaba la leh nyngkong hapoh ka jingialam jong u Myntri Rangbah Duh, u Narendra Modi, bad namar kane, ka thain mynta ka iaid bran bran ha ka lynti jong ka jingshngain bad ka roi ka par.
Ha ka jingurlong jong ka jingthmu u Narendra Modi ba kan don ka shateilammihngi kaba khlain ka jingshngain bad kaba riewspah, hapoh ka jingialam jong u Myntri Sorkar Pdeng ba dei khmih ia ka tnat Kam Pohiing, u Amit Shah, la pyntreikam ia ki jingiakut ha ki jylla ka thain ha kine ki 4 snem ba la dep.
Namar kane, bun ki kynhun pyntriem ki la sdang ban pyni ia ka jingngeit ha ka RitiSynshar jong ka ri bad ki polisi jong ka sorkar ba ialam da u Myntri Rangbah Duh, u Narendra Modi, ki la pyndem ia ki atiar bad ki la kylla sha ki nongiatreilang ha ka shongsukshongsain bad ka roi ka par jong ka thain shateilammihngi. Naduh u snem 2014 haduh mynta, kumba 7000 ngut ki riewpyntriem ki la wan pyndem.
Ha kine ki 4 snem ba la dep, ban pynurlong ia ka jingthmu u Myntri Rangbah Duh ban don ka thain shateilammihngi kaba shongshngain, kaba riewspah bad kaba la kiewshaphrang, ka tnat Kam Pohiing ka la soi ia shibun ki jingiakut kiba la pynbeit ia ki jingeh kiba la sah da ki phew phew snem.
Ha u Nailar 2019, la soi ia ka jingiakut bad ka NLFT(SD) ha Tripura kaba la wanrah biang ia ki nongpyntriem sha ka imlang sahlang.Ka Bodo Accord ha u Kyllalyngkot, 2020 ka la pynbeitia ka jingeh kaba la sanphew snem kaba iadei bad ki jaitbynriewBodoha Assam.
Ha u Kyllalyngkot 2020, la soi ia ka jingiakut ban pynbeit ia ka jingeh kabaiadei bad ki phetwirBru-Reang bad hapoh kane 37,000 ngut ki phetwir hapoh ka ri ki la ioh jaka sah ha Tripura.
Ka jingiakutKarbi-Anglang Agreement ha u Nailur, 2021 ka la pynbeitia ka jingiathut ha ka thain Karbiha Assam. Ka la don ka jingsoi ia ka jingiakut bad ki kynhun riewlum ka Assam ha u Nailur 2022.
U Myntri Rangbah Duh u la kut jingmut ban pynkylla ia ka thain shateilammihngi kaba lait na ki kam pyntriem bad ha kaba iadei bad kane, ka Sorkar Pdeng ka la iakren bad ki Sorkar Jylla bad kito kiba iadei bad kane ka kam. Namar ka jingkiew ka jingshngain, la weng pura ia ka jingithuh ia ki jaka ba bun jingkulmar hapoh ka AFSPA na Tripura ha u 2015 bad Meghalaya ha u 2018.
Ka Disturbed Areas Notification ka treikam naduh u 1990 ha baroh kawei ka Assam. Namar ka jingkiew ka shongsukshongsain namar ki sienjam jong ka Sorkar Modi, la weng ia kane ka jingithuh hapoh ka AFSPA naduh ka 01.0.4.22 na baroh kawei ka jylla Assam lait noh na 9 tylli ki distrik bad kawei ka sub-division hapoh kawei pat ka distrik bad naduh ka 01.04.2023 la pynrit ia kane sha tang 8 tylli ki distrik.
Ka jingithuh jaka kulmar hapoh ka AFSPA ha Manipur (laitnoh na kathain Imphal Municipality) ka dei kaba treikam naduh u snem 2004. Ha ka sienjam kaba donkam da ka Sorkar Pdeng hapoh ka jingialam jong u Myntri Rangbah Duh, 15 tylli ki jaka hapoh ka jingpeit ki ktempulitha 6 tylli ki distrik ki dei ba la weng na ka jingithuh jaka don jingkulmar naduh ka 01.04.2022.
Mynta naduh ka 01.04.2023 ka jingithuh jaka don jingkulmar hapoh ka AFSPA ka dei kaba dang weng na 4 tylli ki jaka hapoh ki ktempulit. Kumta 19 tylli ki jaka kiba don hapoh 19 tylli ki ktempulit ha 7 tylli ki distrik jong ka Manipur ki dei kiba la weng na ka jingithuh jaka don jingkulmar hapoh ka AFSPA.
Ka jingithuh jaka don jingkulmar ka dei kaba treikam ha baroh kawei ka Nagaland naduh u snem 1995. Hadien ka jingai jingmut ka komiti ba la thung ha kaba iadei bad ka jingweng ia ka AFSPA ha ki bynta bapher bapher, la weng ia kane ka jingithuh na 15 tylli ki jaka hapoh ki ktempulit ha 7 tylli ki distrik naduh ka 01.04.2022.
Dang weng shuh shuh ia kane na 3 tylli ki jaka hapoh 3 tylli ki ktempulit naduh ka 01.04.2023, bad kumta, haduh 18 tylli ki jaka kiba don hapoh ka jingpeit 18 tylli ki ktempulit ha 8 tylli ki distrik ka Nagaland ki dei kiba dang weng na ka jingithuh kum ki jaka ba don jingkulmar hapoh ka AFSPA.
U Myntri Sorkar Pdeng uba dei khmih ia ka tnat Kam Pohiing, u Amit Shah u la ai jingsngewnguh ia u Myntri Rangbah Duh bad u la ong, “Nga ai jingsngewnguh ia u Myntri Rangbah Duh.
U Narendra Modiuba la wanrah ia kane ka jingkylla kaba bha ha ka jingim jong ki briew ka thain shateilammihngi bad ka jingpyniasoh ia kane ka thain bad kiwei kiwei ki bynta ka India, nga ai khublei ia ki briew ka thain shateilammihngi ha kane ka kynti kaba kyrpang.”
